बेकायदा धार्मिकस्थळे रडारवर

नवी मुंबई : नवी मुंबईतील बेकायदा बांधकामांविरोधात सुरू असलेल्या अनधिकृत बांधकामांवर कारवाई मोहीम राबविल्यानंतर आता महापालिकेच्या अतिक्रमण विभागाने बेकायदा धार्मिक स्थळांकडे मोर्चा वळवला आहे.

शहरातील ४४१ धार्मिकस्थळांवर कारवाई होणार आहे. या धार्मिक स्थळांबाबत मे अखेरपर्यंत अंतिम निर्णय होणार असून त्यानंतर ही धार्मिक स्थळे पाडली जाण्याची शक्यता आहे. महापालिकेकडे शहरातील ४८३ बेकायदा धार्मिकस्थळांची यादी आहे. त्यापैकी २२ धार्मिकस्थळे गेल्या डिसेंबरपर्यंत नियमित केली आहेत. उर्वरित ४४१ धार्मिकस्थळांबाबत अद्याप निर्णय झाला नसल्यामुळे १७ नोव्हेंबरपर्यंतही बांधकामे पाडण्याची मुदत न्यायालयाने दिली होती. मात्र आता महापालिका मेअखेरपर्यंत या धार्मिक स्थळांबाबत अंतिम निर्णय घेणार आहे.