नांदेड : छत्रपती शिवाजी महाराज यांच्या जयंतीनिमित्त त्यांची फोटो असणारे बॅनर काढणाऱ्या व बॅनर हटावचे आदेश देणाऱ्या महापालिकेच्या अधिकारी व कर्मचाऱ्यांवर तात्काळ निलंबनाची कारवाई करावी, या मागणीसाठी सोमवारी दुपारी १२ वाजता जिल्हाधिकारी कार्यालयासमोर स्वाभिमानी संभाजी ब्रिगेडच्या वतीने घंटा बजाव आंदोलन करण्यात येणार आहे.
शिवजयंतीनिमित्त गेल्या अनेक वर्षांपासून छत्रपती शिवरायांच्या फोटोचे बॅनर नांदेडसह अख्या महाराष्ट्रात स्वाभिमानी संभाजी ब्रिगेडच्या वतीने बॅनर लावण्यात येतात. सर्व महापुरूषांच्या जयंतीनिमित्त शहरात बॅनर लागत असतात, परंतु छत्रपती शिवरायांच्या जयंतीचा व शिवरायांच्या प्रतिमेचा द्वेष करणाऱ्या नांदेड महापालिकेच्या ज्या अधिकाऱ्यांनी हे बॅनर काढले. अशा अधिकाऱ्यांवर तात्काळ निलंबनाची कार्यवाही करण्यात यावी, या मागणीसाठी हे आंदोलन होणार असल्याचे स्वाभिमानी संभाजी ब्रिगेडच्या वतीने कळविण्यात आले आहे.