म. टा. वृत्तसेवा, नवी मुंबई
नवी मुंबई महापालिकेच्या वतीने चालवण्यात येणाऱ्या हिंदी माध्यमाच्या शाळांची पटसंख्या वर्षागणिक वाढत आहे. मात्र या शाळेत पटसंख्येच्या तुलनेत शिक्षकांची संख्या कमी असल्याची बाब समोर आली आहे. त्यामुळे मराठी माध्यमाच्या शिक्षकांना हिंदी माध्यमाचा कारभार चालवावा लागत आहे.
नवी मुंबई महापालिकेच्या मराठी माध्यमाच्या तीन शाळांमध्ये हिंदी माध्यमाच्या समांतर वर्गांना मान्यता आहे. त्यामुळे हिंदी माध्यमाची स्वतंत्र संचमान्यता नाही. घणसोली, कोपरखैरणे व रबाले या ठिकाणी हिंदी माध्यमाची शाळा चालवली जाते. या तिन्ही शाळांमध्ये मिळून ९६६ विद्यार्थी शिक्षण घेत आहेत. विद्यार्थ्यांच्या संख्येनुसार घणसोली येथे सात, कोपरखैरणे येथे आठ आणि रबाले येथे आठ शिक्षकांची आवश्यकता आहे. मात्र सध्या घणसोली येथे केवळ तीन, कोपरखैरणे येथे पाच व रबाले येथे सहा शिक्षक कार्यरत आहे. या शाळांमध्ये घणसोली येथे चार, कोपरखैरणे तीन, रबाले दोन शिक्षकांची कमतरता असल्याचे निर्दशनास आले आहे.
शाळा आवश्यक शिक्षकांची संख्या कार्यरत शिक्षक
घणसोली ७ ३
कोपरखैरणे ८ ५
रबाळे ८ ६
नवी मुंबई महापालिकेच्या वतीने चालवण्यात येणाऱ्या हिंदी माध्यमाच्या शाळांची पटसंख्या वर्षागणिक वाढत आहे. मात्र या शाळेत पटसंख्येच्या तुलनेत शिक्षकांची संख्या कमी असल्याची बाब समोर आली आहे. त्यामुळे मराठी माध्यमाच्या शिक्षकांना हिंदी माध्यमाचा कारभार चालवावा लागत आहे.
नवी मुंबई महापालिकेच्या मराठी माध्यमाच्या तीन शाळांमध्ये हिंदी माध्यमाच्या समांतर वर्गांना मान्यता आहे. त्यामुळे हिंदी माध्यमाची स्वतंत्र संचमान्यता नाही. घणसोली, कोपरखैरणे व रबाले या ठिकाणी हिंदी माध्यमाची शाळा चालवली जाते. या तिन्ही शाळांमध्ये मिळून ९६६ विद्यार्थी शिक्षण घेत आहेत. विद्यार्थ्यांच्या संख्येनुसार घणसोली येथे सात, कोपरखैरणे येथे आठ आणि रबाले येथे आठ शिक्षकांची आवश्यकता आहे. मात्र सध्या घणसोली येथे केवळ तीन, कोपरखैरणे येथे पाच व रबाले येथे सहा शिक्षक कार्यरत आहे. या शाळांमध्ये घणसोली येथे चार, कोपरखैरणे तीन, रबाले दोन शिक्षकांची कमतरता असल्याचे निर्दशनास आले आहे.
शाळा आवश्यक शिक्षकांची संख्या कार्यरत शिक्षक
घणसोली ७ ३
कोपरखैरणे ८ ५
रबाळे ८ ६