म. टा. वृत्तसेवा, पनवेल
इमारतीच्या तळमजल्यावर पार्किंगच्या जागेत तयार केलेल्या बेकायदा मशिदीवर मंगळवारी कारवाईसाठी गेलेले सिडकोचे अतिक्रमणविरोधी पथक कारवाई न करताच माघारी परतले. दोन वर्षांपासून या बेकायदा प्रार्थनास्थळावर कारवाई करण्याची प्रक्रिया सुरू आहे. सिडकोचे अधिकारी कारवाई करण्यास टाळाटाळ करीत असल्याचा आरोप केला जात आहे.
शेल्टर बिल्डर्स आणि डेव्हलपर्स या विकासक कंपनीचे मालक रब्बानी एस. खान यांनी सेक्टर १० येथे दोन वर्षांपूर्वी शेल्टर एम्पायर इमारत उभारली. याच इमारतीत काही नागरिकांनी एकत्र येऊन इमारतीला असलेल्या दोन प्रवेशद्वारांपैकी एक प्रवेशद्वार झाकून मशिद केली. या इमारतीचे एक प्रवेशद्वार म्हणजे मशिदीचे प्रवेशद्वार म्हणून वापरले जाते. मशिदीसाठी तळमजल्यावर इमारतीत स्वयंपाकघर, बांथरूमदेखील बांधण्यात आले आहे. इमारतीतील नागरिकांना ही बाब खटकल्यामुळे त्यांनी विकासकाकडे तक्रार केली. मात्र रब्बानी एस. खान यांचा या मशिदीला अप्रत्यक्ष पाठिंबा होता. पोलिसांकडे, सिडकोच्या वसाहत विभागाकडे वारंवार तक्रारीची पत्रे देऊनही दखल न घेतल्यामुळे नागरिकांनी घरे विकण्याचा निर्णय घेतला. मात्र काही नागरिक दोन वर्षांपासून या बेकायदा प्रार्थनास्थळाविरोधात लढा देत आहेत. सिडकोने नागरिकांच्या तक्रारीनुसार पाहणी करून संबंधित विकासकाला नोटीस पाठवून बांधकाम तोडण्यास सांगितले. सिडकोचे पथकही आजपर्यंत पाच ते आठ वेळा कारवाईसाठी गेले होते. परंतु कारवाई न करताच माघारी परते. मंगळवारीही १०० पोलिसांचा फौजफाटा घेऊन सिडकोच्या वसाहत विभागाचे अधिकारी आणि अतिक्रमणविरोधी पथक सेक्टर दहा येथे हजर झाले होते. परंतु वसाहत विभागाला विकासकाने आम्ही स्वत: बांधकाम तोडू, असा शब्द दिल्यामुळे कारवाई मागे घेण्यात आली, असे अतिक्रमणविरोधी विभागाचे अधिकारी विशाल ढगे यांनी सांगितले.
इमारतीच्या तळमजल्यावर पार्किंगच्या जागेत तयार केलेल्या बेकायदा मशिदीवर मंगळवारी कारवाईसाठी गेलेले सिडकोचे अतिक्रमणविरोधी पथक कारवाई न करताच माघारी परतले. दोन वर्षांपासून या बेकायदा प्रार्थनास्थळावर कारवाई करण्याची प्रक्रिया सुरू आहे. सिडकोचे अधिकारी कारवाई करण्यास टाळाटाळ करीत असल्याचा आरोप केला जात आहे.
शेल्टर बिल्डर्स आणि डेव्हलपर्स या विकासक कंपनीचे मालक रब्बानी एस. खान यांनी सेक्टर १० येथे दोन वर्षांपूर्वी शेल्टर एम्पायर इमारत उभारली. याच इमारतीत काही नागरिकांनी एकत्र येऊन इमारतीला असलेल्या दोन प्रवेशद्वारांपैकी एक प्रवेशद्वार झाकून मशिद केली. या इमारतीचे एक प्रवेशद्वार म्हणजे मशिदीचे प्रवेशद्वार म्हणून वापरले जाते. मशिदीसाठी तळमजल्यावर इमारतीत स्वयंपाकघर, बांथरूमदेखील बांधण्यात आले आहे. इमारतीतील नागरिकांना ही बाब खटकल्यामुळे त्यांनी विकासकाकडे तक्रार केली. मात्र रब्बानी एस. खान यांचा या मशिदीला अप्रत्यक्ष पाठिंबा होता. पोलिसांकडे, सिडकोच्या वसाहत विभागाकडे वारंवार तक्रारीची पत्रे देऊनही दखल न घेतल्यामुळे नागरिकांनी घरे विकण्याचा निर्णय घेतला. मात्र काही नागरिक दोन वर्षांपासून या बेकायदा प्रार्थनास्थळाविरोधात लढा देत आहेत. सिडकोने नागरिकांच्या तक्रारीनुसार पाहणी करून संबंधित विकासकाला नोटीस पाठवून बांधकाम तोडण्यास सांगितले. सिडकोचे पथकही आजपर्यंत पाच ते आठ वेळा कारवाईसाठी गेले होते. परंतु कारवाई न करताच माघारी परते. मंगळवारीही १०० पोलिसांचा फौजफाटा घेऊन सिडकोच्या वसाहत विभागाचे अधिकारी आणि अतिक्रमणविरोधी पथक सेक्टर दहा येथे हजर झाले होते. परंतु वसाहत विभागाला विकासकाने आम्ही स्वत: बांधकाम तोडू, असा शब्द दिल्यामुळे कारवाई मागे घेण्यात आली, असे अतिक्रमणविरोधी विभागाचे अधिकारी विशाल ढगे यांनी सांगितले.