फोटो...
म. टा. वृत्तसेवा, कागल
पिंपळगाव खुर्द (ता. कागल) येथील संतोष जयसिंग पाटील (वय ३५) याने शेतात झाडाला गळफास लावून आत्महत्या केली. आत्महत्यचे कारण अद्याप समजू शकले नाही. याबाबत घटनास्थळावरून समजलेली अधिक माहिती अशी : संतोष शेतीसाठी लागणाऱ्या औषधविक्रीचा व्यवसाय करीत होता. पिंपळगाव येथील बसस्थानाकाजवळच त्याचे दुकान होते. तो कामानिमित्त बाहेर जातो असे सांगून घराबाहेर पडला. यावेळी त्याने कागल-मुरगूड रोडशेजारी शेतात झाडाला गळफास लावून घेतला. हा प्रकार ग्रामस्थांच्या निदर्शनास आला. त्यानंतर नागरिकांनी कागल पोलिसांना कळविले. संतोषच्या पश्चात पत्नी, मुलगा, मुलगी असा परिवार आहे. याबाबतची नोंद कागल पोलिस ठाण्यात झाली आहे.