म. टा. वृत्तसेवा, नवी मुंबई
जुईनगरच्या बँक ऑफ बडोदाच्या शाखेवर दरोडा टाकण्यासाठी लुटारूंनी ४० फूट लांबीचे भुयार खणले होते. विशेष म्हणजे बँकेची लॉकर रूम व जेथून खोदकाम सुरू केले तो गाळा यामध्ये तीन गाळे आहेत. या तीनही गाळ्यांखालून भुयार काढत दरोडा टाकण्यात आल्याचे समोर आले आहे.
जुईनगर सेक्टर ११मधील भक्ती रेसिडेन्सी इमारतीत तळमजल्यावर बँक ऑफ बडोदाचे तीन गाळे असून, चौथ्या गाळ्यामध्ये बँकेचे एटीएम आहे. या एटीएमनंतरचा तिसरा गाळा शरद कोठावळे यांचा असून, गेल्या जून महिन्यात गेना बच्चन प्रसाद याने फरसाण विक्री करण्याच्या बहाण्याने तो २५ हजार रुपये महिना भाडेतत्त्वावर घेतला. त्यानंतर त्याने या गाळ्यामध्ये श्री बालाजी जनरल स्टोअर्स नावाचे दुकान सुरू केले. मात्र दोन महिन्यांतच गेना प्रसाद आजारपणाच्या बहाण्याने आपल्या गावी गेला. त्यापूर्वी त्याने आपल्या दुकानात दोघा तरुणांना कामास ठेवले. सोमवारी सकाळी नेहमीप्रमाणे बँक उघडल्यानंतर बँकेतील लॉकर रूममध्ये मोठा खड्डा पडल्याचे तसेच अनेक लॉकर फोडल्याची बाब कर्मचाऱ्यांच्या निदर्शनास आली. या घटनेची माहिती मिळताच सानपाडा पोलिसांसह गुन्हे शाखेच्या पथकाने अग्निशमन दलाच्या मदतीने बँकेतील भुयारी मार्गातून वाट काढल्यानंतर श्री बालाजी जनरल स्टोअर्सपर्यंत सदरचे भुयार आढळून आले. त्यानंतर पोलिसांनी श्वानांमार्फत लुटारूंचा माग काढला असता, त्यांनी जुईनगर रेल्वे स्थानकापर्यंत रस्ता दाखवला. यावरून लुटारूंनी जुईनगर रेल्वे स्थानकातूनच पलायन केले असावे, अशी शक्यता व्यक्त केली जात आहे. लुटारूंचा माग काढण्यासाठी पोलिसांची सहा विशेष पथके तयार करण्यात आली आहे, अशी माहिती पोलिस आयुक्त हेमंत नगराळे यांनी दिली.
दोन महिन्यांचे भाडेही थकवले
बँक ऑफ बडोदामध्ये लूट करणाऱ्या दोघांनी बँक लुटण्याच्या दोन दिवस आधी शेजारच्या एटीएम सेंटरवर असलेल्या सुरक्षारक्षकाच्या मोबाइलवरून इस्टेट एजंटला संपर्क साधला होता व दोन दिवसांनंतर गावी जाणार असल्याचे कळविले होते. सदर गाळ्याचे दोन महिन्यांचे भाडे थकविल्याने मध्यस्थी असलेल्या इस्टेट एजंटने या दोघांना भाडे देण्याबाबत सांगितले होते. त्यामुळे या लुटारूंनी सोमवारी भाडे देण्याचे कबूल केले होते. मात्र त्याआधीच त्यांनी पळ काढला.
माहितीवरून मोजदाद
बँकेतील लॉकर फोडल्याची बातमी पसरताच अनेक लॉकरधारकांनी बँकेत धाव घेतली. मात्र पोलिसांनी बँकेमध्ये कुणालाही प्रवेश न दिल्याने लॉकरधारकांनी गोंधळ घालण्यास सुरुवात केली. त्यानंतर पोलिसांनी फोडलेल्या लॉकर्सचे नंबर सांगितले. ज्या खातेधारकांचे लॉकर फोडण्यात आले, त्यांना पाचारण करून त्यांचे जाबजबाब घेण्यास सुरुवात केली आहे. याबाबत पोलिसांकडून उशिरापर्यंत मोजदाद सुरू होती. त्यामुळे बँकेतून किती ऐवज लुटून नेण्यात आला, हे अद्याप स्पष्ट होऊ शकले नसल्याचे पोलिस आयुक्त हेमंत नगराळे यांनी सांगितले.
जुईनगरच्या बँक ऑफ बडोदाच्या शाखेवर दरोडा टाकण्यासाठी लुटारूंनी ४० फूट लांबीचे भुयार खणले होते. विशेष म्हणजे बँकेची लॉकर रूम व जेथून खोदकाम सुरू केले तो गाळा यामध्ये तीन गाळे आहेत. या तीनही गाळ्यांखालून भुयार काढत दरोडा टाकण्यात आल्याचे समोर आले आहे.
जुईनगर सेक्टर ११मधील भक्ती रेसिडेन्सी इमारतीत तळमजल्यावर बँक ऑफ बडोदाचे तीन गाळे असून, चौथ्या गाळ्यामध्ये बँकेचे एटीएम आहे. या एटीएमनंतरचा तिसरा गाळा शरद कोठावळे यांचा असून, गेल्या जून महिन्यात गेना बच्चन प्रसाद याने फरसाण विक्री करण्याच्या बहाण्याने तो २५ हजार रुपये महिना भाडेतत्त्वावर घेतला. त्यानंतर त्याने या गाळ्यामध्ये श्री बालाजी जनरल स्टोअर्स नावाचे दुकान सुरू केले. मात्र दोन महिन्यांतच गेना प्रसाद आजारपणाच्या बहाण्याने आपल्या गावी गेला. त्यापूर्वी त्याने आपल्या दुकानात दोघा तरुणांना कामास ठेवले. सोमवारी सकाळी नेहमीप्रमाणे बँक उघडल्यानंतर बँकेतील लॉकर रूममध्ये मोठा खड्डा पडल्याचे तसेच अनेक लॉकर फोडल्याची बाब कर्मचाऱ्यांच्या निदर्शनास आली. या घटनेची माहिती मिळताच सानपाडा पोलिसांसह गुन्हे शाखेच्या पथकाने अग्निशमन दलाच्या मदतीने बँकेतील भुयारी मार्गातून वाट काढल्यानंतर श्री बालाजी जनरल स्टोअर्सपर्यंत सदरचे भुयार आढळून आले. त्यानंतर पोलिसांनी श्वानांमार्फत लुटारूंचा माग काढला असता, त्यांनी जुईनगर रेल्वे स्थानकापर्यंत रस्ता दाखवला. यावरून लुटारूंनी जुईनगर रेल्वे स्थानकातूनच पलायन केले असावे, अशी शक्यता व्यक्त केली जात आहे. लुटारूंचा माग काढण्यासाठी पोलिसांची सहा विशेष पथके तयार करण्यात आली आहे, अशी माहिती पोलिस आयुक्त हेमंत नगराळे यांनी दिली.
दोन महिन्यांचे भाडेही थकवले
बँक ऑफ बडोदामध्ये लूट करणाऱ्या दोघांनी बँक लुटण्याच्या दोन दिवस आधी शेजारच्या एटीएम सेंटरवर असलेल्या सुरक्षारक्षकाच्या मोबाइलवरून इस्टेट एजंटला संपर्क साधला होता व दोन दिवसांनंतर गावी जाणार असल्याचे कळविले होते. सदर गाळ्याचे दोन महिन्यांचे भाडे थकविल्याने मध्यस्थी असलेल्या इस्टेट एजंटने या दोघांना भाडे देण्याबाबत सांगितले होते. त्यामुळे या लुटारूंनी सोमवारी भाडे देण्याचे कबूल केले होते. मात्र त्याआधीच त्यांनी पळ काढला.
माहितीवरून मोजदाद
बँकेतील लॉकर फोडल्याची बातमी पसरताच अनेक लॉकरधारकांनी बँकेत धाव घेतली. मात्र पोलिसांनी बँकेमध्ये कुणालाही प्रवेश न दिल्याने लॉकरधारकांनी गोंधळ घालण्यास सुरुवात केली. त्यानंतर पोलिसांनी फोडलेल्या लॉकर्सचे नंबर सांगितले. ज्या खातेधारकांचे लॉकर फोडण्यात आले, त्यांना पाचारण करून त्यांचे जाबजबाब घेण्यास सुरुवात केली आहे. याबाबत पोलिसांकडून उशिरापर्यंत मोजदाद सुरू होती. त्यामुळे बँकेतून किती ऐवज लुटून नेण्यात आला, हे अद्याप स्पष्ट होऊ शकले नसल्याचे पोलिस आयुक्त हेमंत नगराळे यांनी सांगितले.