पनवेल महापालिकेची कारवाई
म. टा. वृत्तसेवा, पनवेल
पनवेल महापालिकेने सुरू केलेल्या प्लास्टिक पिशवी जप्ती मोहिमेत आजवर तब्बल लाखो रुपये दंड वसूल करून दोन हजार ३६० किलो प्लास्टिक पिशव्या जप्त करण्यात आल्या आहेत. महापालिकेची ही मोहीम कायम सुरू राहणार असून प्लास्टिकविरोधी मोहीम अधिक तीव्र होत जाईल, असा इशारा महापालिका आयुक्त डॉ. सुधाकर शिंदे यांनी शुक्रवारी पत्रकार परिषदेत दिला.
प्लास्टिक कचरा व्यवस्थापन व हाताळणी नियमाअंतर्गत पनवेल महानगरपालिकेने प्लास्टिकविरोधी मोहीम सुरू केली आहे. २ ऑक्टोबरपासून सुरू केलेल्या मोहिमेत आजपर्यंत दुकानांमध्ये यापुढे पिशव्यांचा वापर करणाऱ्यांविरोधात जोरात कारवाई सुरू केली आहे. आजवर पनवेल महापालिकेने व्यापाऱ्यांना मुदतही दिली होती. दिवाळीच्या कालावधीत व्यापाऱ्यांनी केलेल्या विनंतीवरून कारवाई थांबविण्यात आली. त्यानंतर मात्र महापालिकेच्या सहा झोनमध्ये वेगवेगळ्या स्तरांवर कारवाई करण्यात आली. यामध्ये २३६० किलो प्लास्टिक पिशव्या जप्त करून विक्रेत्यांकडून आजपर्यंत ६७ लाख रुपये दंड आकारण्यात आला असल्याची माहिती महापालिकेने दिली. महापालिकेच्या महासभेत प्लास्टिकबंदी करण्याचा ठराव मांडण्यात आला होता. त्यानुसार ही कारवाई करण्यात आल्याचे डॉ. सुधाकर शिंदे यांनी दिली. सहा झोनपैकी शहरी भागात प्लास्टिक पिशव्या वापरण्याचे प्रमाण अधिक असून सर्वाधिक पिशव्या खारघर परिसरातून जप्त केल्या आहेत. तर, सर्वांत कमी पिशव्या महापालिका क्षेत्रातील ग्रामीण भागातून जप्त केल्या आहेत.
कापडी, कागदी पिशव्यांचा वापर करा
नागरिकांनी महापालिकेच्या या मोहिमेत सहभागी होऊन कापडी पिशव्यांचा वापर सुरू करावा, दुकानदारांवर अवलंबून न राहता घरातून कापडी पिशवी नेऊन सामान खरेदी करावे, शहर स्वच्छतेसाठी आपलेही योगदान द्यावे, असे आवाहन त्यांनी केले आहे.
मॉलमध्येही परिणाम
सिडको हद्दीतील शॉपिंग मॉलमध्ये आजवर सिडकोने प्लास्टिकबंदीची कधीच जोरदार अंमलबजावणी केली नव्हती. मात्र महापालिकेने दाखविलेल्या दणक्यामुळे खारघर, पनवेल परिसरातील नामांकित ब्रॅण्डच्या दुकांनामध्ये कापडी कागदी पिशव्या देऊ लागले आहेत.
म. टा. वृत्तसेवा, पनवेल
पनवेल महापालिकेने सुरू केलेल्या प्लास्टिक पिशवी जप्ती मोहिमेत आजवर तब्बल लाखो रुपये दंड वसूल करून दोन हजार ३६० किलो प्लास्टिक पिशव्या जप्त करण्यात आल्या आहेत. महापालिकेची ही मोहीम कायम सुरू राहणार असून प्लास्टिकविरोधी मोहीम अधिक तीव्र होत जाईल, असा इशारा महापालिका आयुक्त डॉ. सुधाकर शिंदे यांनी शुक्रवारी पत्रकार परिषदेत दिला.
प्लास्टिक कचरा व्यवस्थापन व हाताळणी नियमाअंतर्गत पनवेल महानगरपालिकेने प्लास्टिकविरोधी मोहीम सुरू केली आहे. २ ऑक्टोबरपासून सुरू केलेल्या मोहिमेत आजपर्यंत दुकानांमध्ये यापुढे पिशव्यांचा वापर करणाऱ्यांविरोधात जोरात कारवाई सुरू केली आहे. आजवर पनवेल महापालिकेने व्यापाऱ्यांना मुदतही दिली होती. दिवाळीच्या कालावधीत व्यापाऱ्यांनी केलेल्या विनंतीवरून कारवाई थांबविण्यात आली. त्यानंतर मात्र महापालिकेच्या सहा झोनमध्ये वेगवेगळ्या स्तरांवर कारवाई करण्यात आली. यामध्ये २३६० किलो प्लास्टिक पिशव्या जप्त करून विक्रेत्यांकडून आजपर्यंत ६७ लाख रुपये दंड आकारण्यात आला असल्याची माहिती महापालिकेने दिली. महापालिकेच्या महासभेत प्लास्टिकबंदी करण्याचा ठराव मांडण्यात आला होता. त्यानुसार ही कारवाई करण्यात आल्याचे डॉ. सुधाकर शिंदे यांनी दिली. सहा झोनपैकी शहरी भागात प्लास्टिक पिशव्या वापरण्याचे प्रमाण अधिक असून सर्वाधिक पिशव्या खारघर परिसरातून जप्त केल्या आहेत. तर, सर्वांत कमी पिशव्या महापालिका क्षेत्रातील ग्रामीण भागातून जप्त केल्या आहेत.
कापडी, कागदी पिशव्यांचा वापर करा
नागरिकांनी महापालिकेच्या या मोहिमेत सहभागी होऊन कापडी पिशव्यांचा वापर सुरू करावा, दुकानदारांवर अवलंबून न राहता घरातून कापडी पिशवी नेऊन सामान खरेदी करावे, शहर स्वच्छतेसाठी आपलेही योगदान द्यावे, असे आवाहन त्यांनी केले आहे.
मॉलमध्येही परिणाम
सिडको हद्दीतील शॉपिंग मॉलमध्ये आजवर सिडकोने प्लास्टिकबंदीची कधीच जोरदार अंमलबजावणी केली नव्हती. मात्र महापालिकेने दाखविलेल्या दणक्यामुळे खारघर, पनवेल परिसरातील नामांकित ब्रॅण्डच्या दुकांनामध्ये कापडी कागदी पिशव्या देऊ लागले आहेत.