नांदेड- चुलत बहिणीच्या अंत्यविधीसाठी जाणाऱ्या भावांच्या दुचाकीला अज्ञात वाहनाने जोरदार धडक दिल्याने दोघांचाही जागीच मृत्यू झाला. राखी पोर्णिमेच्या दिवशी नांदेड लगतच्या लिंबगांव परिसरात घडलेल्या या अपघाताने हळहळ व्यक्त होत आहे.
पूर्णा तालुक्यातील कमळापूर येथील संजय गव्हाणे व नारायण गव्हाणे हे दोघे भाऊ मुदखेड येथील चुलत बहिणीच्या अंत्यविधीला जाण्यासाठी सकाळी घराबाहेर पडले. लिंबागंव पाटी जवळ येताच त्यांच्या दुचाकीला अज्ञात वाहनाने जोरदार धडक दिली. या अपघतात दोघांचा जागीच मृत्यू झाला. लिंबगांव पोलिसांनी या प्रकरणी गुन्हा दाखल केला. कायदेशीर प्रक्रिया व उत्तरीय तपासणीनंतर गव्हाणे बंधूच्या पार्थिवावर सायंकाळी शोकाकूल वातावरणात अंत्यसंस्कार करण्यात आले. राखी पोर्णिमेच्या दिवशी घडलेल्या या दुदैवी घटनेमुळे कमळापूर गावात एकच शोककळा पसरली होती.
पूर्णा तालुक्यातील कमळापूर येथील संजय गव्हाणे व नारायण गव्हाणे हे दोघे भाऊ मुदखेड येथील चुलत बहिणीच्या अंत्यविधीला जाण्यासाठी सकाळी घराबाहेर पडले. लिंबागंव पाटी जवळ येताच त्यांच्या दुचाकीला अज्ञात वाहनाने जोरदार धडक दिली. या अपघतात दोघांचा जागीच मृत्यू झाला. लिंबगांव पोलिसांनी या प्रकरणी गुन्हा दाखल केला. कायदेशीर प्रक्रिया व उत्तरीय तपासणीनंतर गव्हाणे बंधूच्या पार्थिवावर सायंकाळी शोकाकूल वातावरणात अंत्यसंस्कार करण्यात आले. राखी पोर्णिमेच्या दिवशी घडलेल्या या दुदैवी घटनेमुळे कमळापूर गावात एकच शोककळा पसरली होती.