नवी मुंबई : कळंबोली येथून मोटारसायकलवरून मुंबईत जाणाऱ्या दोघा चुलत भावांना अज्ञात वाहनाने धडक दिल्याने दोघांचा मृत्यू झाल्याची घटना शुक्रवारी पहाटे सायन-पनवेल मार्गावर वाशी येथे घडली. या प्रकरणी वाशी पोलिसांनी अज्ञात वाहनचालकावर गुन्हा दाखल करून त्याचा शोध सुरू केला आहे. प्रफुल्ल बाळकृष्ण ठाकूर (२३) आणि सुशांत सदाशिव ठाकूर (२६) हे दोघे चुलतभाऊ कळंबोलीतील रोडपाली भागात रहाण्यास होते. मुंबईतील चोर बाजारात स्वस्तात वस्तू मिळत असल्याने प्रफुल्ल व सुशांत शुक्रवारी पहाटे चारच्या सुमारास मोटरसायकलने मुंबईच्या दिशेने निघाले होते. या वेळी त्यांची मोटारसायकल सायन-पनवेल मार्गावर वाशी येथील जुई पुलावर आली असताना, अज्ञात वाहनाने त्यांच्या मोटारसायकलला धडक दिली.
दोघा चुलतभावांचा मृत्यू
कळंबोली येथून मोटारसायकलवरून मुंबईत जाणाऱ्या दोघा चुलत भावांना अज्ञात वाहनाने धडक दिल्याने दोघांचा मृत्यू झाल्याची घटना शुक्रवारी पहाटे सायन-पनवेल ...
महाराष्ट्र टाइम्स.कॉम 8 Feb 2020, 4:00 am