नवी मुंबई :
कमी किंमतीत अमेरिकन डॉलर देण्याचे अमिष दाखवून दोघा भामट्यांनी नवीन पनवेलमध्ये राहणाऱ्या ओला चालकाकडून तब्बल १ लाख १७ हजार रुपयांची रोख रक्कम उकळल्याची तसेच त्या बदल्यात त्याला नोटांच्या आकराचे कागदी बंडल दिल्याची घटना उघडकीस आली आहे. रबाळे पोलिसांनी या प्रकरणातील दोघा आरोपींवर फसवणुकीचा गुन्हा दाखल करून त्यांचा शोध सुरू केला आहे.
या प्रकरणात फसवणूक झालेल्या व्यक्तीचे नाव राकेश घाग (४२)असे असून तो नवीन पनवेलमध्ये राहण्यास आहे. तसेच तो ओलाच्या माध्यमातून चालक म्हणून काम करतो. गेल्या आठवड्यात या प्रकरणातील दोघे भामटे राकेश घाग याच्या ओला कारमध्ये प्रवासी म्हणून बसले होते. यावेळी दोघा भामट्यांनी राकेशसोबत गप्पा मारताना त्याच्याकडे १६ लाख २७ हजार रुपये किंमतीचे १३६५ अमेरिकन डॉलर असल्याचे सांगून ते ५ लाख रुपयांमध्ये देण्याचे आमिष दाखविले, तसेच त्याला एक अमेरिकन डॉलर देऊन खातरजमा करण्यास सांगितले.
त्यानुसार राकेशने या नोट वाटविल्यानंतर त्याला त्याचे १२०० रुपये मिळाले. त्यामुळे भामट्याच्या बोलण्यावर राकेशचा विश्वास बसला. त्यामुळे त्याने वडिलांकडे असलेली १ लाख १७ हजारांची रक्कम घेऊन दोघा भामट्यांशी संपर्क साधला. यावेळी त्यांनी त्याचे ५ लाख रुपये किमतीचे अमेरिकन डॉलर देण्याचे आश्वासन देऊन त्याला घणसोलीतील सन शाइन हाइट्सलगतच्या गल्लीमध्ये पैसे घेऊन येण्यास सांगितले. त्यानुसार राकेश १४ जानेवारी रोजी दुपारी २ वाजण्याच्या सुमारास पत्नीसह घणसोलीत गेला. यावेळी दोघा भामट्यांनी राकेशजवळची १ लाख १७ हजारांची रोख रक्कम घेऊन आपल्याजवळ एका कापडी फडक्यामध्ये गुंडाळलेले नोटांच्या आकाराचे कागदी बंडल अमेरिकन डॉलर असल्याचे भासवून राकेशला दिले. त्यानंतर त्यांनी पलायन केले. काही वेळानंतर राकेश आणि त्याच्या पत्नीने अमेरिकन डॉलर तपासले असता, त्यात नोटांऐवजी नोटांच्या आकाराचे कागदी बंडल असल्याचे आढळून आले.
कमी किंमतीत अमेरिकन डॉलर देण्याचे अमिष दाखवून दोघा भामट्यांनी नवीन पनवेलमध्ये राहणाऱ्या ओला चालकाकडून तब्बल १ लाख १७ हजार रुपयांची रोख रक्कम उकळल्याची तसेच त्या बदल्यात त्याला नोटांच्या आकराचे कागदी बंडल दिल्याची घटना उघडकीस आली आहे. रबाळे पोलिसांनी या प्रकरणातील दोघा आरोपींवर फसवणुकीचा गुन्हा दाखल करून त्यांचा शोध सुरू केला आहे.
या प्रकरणात फसवणूक झालेल्या व्यक्तीचे नाव राकेश घाग (४२)असे असून तो नवीन पनवेलमध्ये राहण्यास आहे. तसेच तो ओलाच्या माध्यमातून चालक म्हणून काम करतो. गेल्या आठवड्यात या प्रकरणातील दोघे भामटे राकेश घाग याच्या ओला कारमध्ये प्रवासी म्हणून बसले होते. यावेळी दोघा भामट्यांनी राकेशसोबत गप्पा मारताना त्याच्याकडे १६ लाख २७ हजार रुपये किंमतीचे १३६५ अमेरिकन डॉलर असल्याचे सांगून ते ५ लाख रुपयांमध्ये देण्याचे आमिष दाखविले, तसेच त्याला एक अमेरिकन डॉलर देऊन खातरजमा करण्यास सांगितले.
त्यानुसार राकेशने या नोट वाटविल्यानंतर त्याला त्याचे १२०० रुपये मिळाले. त्यामुळे भामट्याच्या बोलण्यावर राकेशचा विश्वास बसला. त्यामुळे त्याने वडिलांकडे असलेली १ लाख १७ हजारांची रक्कम घेऊन दोघा भामट्यांशी संपर्क साधला. यावेळी त्यांनी त्याचे ५ लाख रुपये किमतीचे अमेरिकन डॉलर देण्याचे आश्वासन देऊन त्याला घणसोलीतील सन शाइन हाइट्सलगतच्या गल्लीमध्ये पैसे घेऊन येण्यास सांगितले. त्यानुसार राकेश १४ जानेवारी रोजी दुपारी २ वाजण्याच्या सुमारास पत्नीसह घणसोलीत गेला. यावेळी दोघा भामट्यांनी राकेशजवळची १ लाख १७ हजारांची रोख रक्कम घेऊन आपल्याजवळ एका कापडी फडक्यामध्ये गुंडाळलेले नोटांच्या आकाराचे कागदी बंडल अमेरिकन डॉलर असल्याचे भासवून राकेशला दिले. त्यानंतर त्यांनी पलायन केले. काही वेळानंतर राकेश आणि त्याच्या पत्नीने अमेरिकन डॉलर तपासले असता, त्यात नोटांऐवजी नोटांच्या आकाराचे कागदी बंडल असल्याचे आढळून आले.