फिल्मीस्टाइलने केली दोन कैद्यांनी चोरी
कुणाल लोंढे, पनवेल
एरवी चोराच्या मागे लोक धावतात, मात्र कारागृहातून पळालेल्या दोन कैद्यांनी चोरी करण्यासाठी आपल्यामागे वाहनचालकाला धावण्यास भाग पाडले आणि वाहनचालक त्यांच्या सापळ्यात अडकला. त्यांनी फिल्मीस्टाइलने वाहनचालकाची दिशाभूल करून स्कोडा गाडीची चोरी केली. रविवारी रात्री पनवेलमध्ये ही घटना घडली.
रविवारी रात्री साडेनऊ वाजण्याच्या सुमारास गॅरेजचालक असलेले राजू रेड्डी जेवणासाठी बाहेर पडले होते. पनवेल-सायन महामार्गानजीक वडाळे तलावाजवळ नंदनवन सोसायटीच्या दिशेने ते स्कोडा गाडीतून आले. अचानक त्यांच्या गाडीला दगड लागल्यासारखा आवाज आला. त्यांनी गाडीचा काच खाली करून पाहिले असता दोघेजण काही तरी उचलून पळून निघाले असल्याचे त्यांनी पाहिले. आपल्या गाडीतील काही पडले आणि ते उचलून हे दोघे पळत आहेत, असा संशय आल्यामुळे त्यांनी गाडी वळवून त्यांचा पाठलाग सुरू केला. त्या दोघांनीही वडाळे तलावाच्या दिशेने धाव घेतली. अंधारात आडबाजूला उभी केलेल्या दुचाकीला किक मारत ते उभे होते. राजू यांनी गाडी त्यांच्या दिशेने घेताच त्यांनी पुन्हा पळ काढला. त्यांनी गाडी आणखी पुढे घेतली. पुढे चारचाकी जाणार नाही, अशा ठिकाणी जाऊन दोघे अंधारात उभे राहिले. राजूने गाडी त्यांच्याजवळ घेऊन गाडीतून उतरून तुम्ही का पळत आहात, असा प्रश्न विचारला. माझ्या गाडीतील काही पडले असेल तर मला द्या, मी तुम्हाला पैसे देतो, असे सांगितले. मात्र गाडीचालकाला भूलवून आपल्याकडे खेचून आणायचा डाव साध्य झालेल्या या दोघांनीही राजू यांच्यावर काठ्यांचा हल्ला केला. त्यानंतर ते राजू रेड्डी यांची चार लाख ८० हजार रुपये किमतीची गाडी चोरून ते पळून गेले. गाडीत त्यांचे ४ हजार रुपये असलेले पाकिटदेखील होते. महत्त्वाची काही कागदपत्रेदेखील गहाळ झाली आहेत.
कुणाल लोंढे, पनवेल
एरवी चोराच्या मागे लोक धावतात, मात्र कारागृहातून पळालेल्या दोन कैद्यांनी चोरी करण्यासाठी आपल्यामागे वाहनचालकाला धावण्यास भाग पाडले आणि वाहनचालक त्यांच्या सापळ्यात अडकला. त्यांनी फिल्मीस्टाइलने वाहनचालकाची दिशाभूल करून स्कोडा गाडीची चोरी केली. रविवारी रात्री पनवेलमध्ये ही घटना घडली.
रविवारी रात्री साडेनऊ वाजण्याच्या सुमारास गॅरेजचालक असलेले राजू रेड्डी जेवणासाठी बाहेर पडले होते. पनवेल-सायन महामार्गानजीक वडाळे तलावाजवळ नंदनवन सोसायटीच्या दिशेने ते स्कोडा गाडीतून आले. अचानक त्यांच्या गाडीला दगड लागल्यासारखा आवाज आला. त्यांनी गाडीचा काच खाली करून पाहिले असता दोघेजण काही तरी उचलून पळून निघाले असल्याचे त्यांनी पाहिले. आपल्या गाडीतील काही पडले आणि ते उचलून हे दोघे पळत आहेत, असा संशय आल्यामुळे त्यांनी गाडी वळवून त्यांचा पाठलाग सुरू केला. त्या दोघांनीही वडाळे तलावाच्या दिशेने धाव घेतली. अंधारात आडबाजूला उभी केलेल्या दुचाकीला किक मारत ते उभे होते. राजू यांनी गाडी त्यांच्या दिशेने घेताच त्यांनी पुन्हा पळ काढला. त्यांनी गाडी आणखी पुढे घेतली. पुढे चारचाकी जाणार नाही, अशा ठिकाणी जाऊन दोघे अंधारात उभे राहिले. राजूने गाडी त्यांच्याजवळ घेऊन गाडीतून उतरून तुम्ही का पळत आहात, असा प्रश्न विचारला. माझ्या गाडीतील काही पडले असेल तर मला द्या, मी तुम्हाला पैसे देतो, असे सांगितले. मात्र गाडीचालकाला भूलवून आपल्याकडे खेचून आणायचा डाव साध्य झालेल्या या दोघांनीही राजू यांच्यावर काठ्यांचा हल्ला केला. त्यानंतर ते राजू रेड्डी यांची चार लाख ८० हजार रुपये किमतीची गाडी चोरून ते पळून गेले. गाडीत त्यांचे ४ हजार रुपये असलेले पाकिटदेखील होते. महत्त्वाची काही कागदपत्रेदेखील गहाळ झाली आहेत.