दोघांच्या आत्महत्या

म. टा. वृत्तसेवा, अंबरनाथ

अंबरनाथमध्ये एकाच दिवशी एका एमबीएच्या विद्यार्थिनीने आणि एका तरुणाने नैराश्यातून आत्महत्या केल्याचे समोर आले. या आत्महत्यांप्रकरणी शिवाजीनगर पोलिस स्टेशनमध्ये अकस्मात मृत्यूची नोंद केली असून पोलिस पुढील तपास करत आहेत.

उल्हासनगर येथील कॅम्प नंबर चार परिसरात राहणारी सुवर्णा कांबळे ही एमबीएची विद्यार्थिनी अंबरनाथ पूर्व भागातील आशीर्वाद हॉस्पिटलमध्ये तापावर उपचार घेण्यासाठी दाखल झाली होती. उपचार घेऊनही प्रकृतीत सुधारणा होत नसल्याने आशीर्वाद हॉस्पिटलमध्ये काम करत असलेल्या सुवर्णाची बहीण स्वाती कांबळे हिने सुवर्णाला उपचारासाठी दाखल केले होते. मात्र शुक्रवारी सकाळी ज्या खोलीत सुवर्णाला उपचारासाठी दाखल करण्यात आले. त्या खोलीत सुवर्णाने गळफास घेऊन आत्महत्या केल्याचे समोर आले. त्यामुळे उपचारासाठी दाखल झालेल्या एमबीएची विद्यार्थिनी असलेल्या सुवर्णाने अचानक आत्महत्या का केली, असा प्रश्न उपस्थित झाला आहे. या आत्महत्येप्रकरणी अंबरनाथ पोलिस स्टेशनमध्ये अकस्मात मृत्यूची नोंद करण्यात आली. दुसरी घटना शिवगंगानगर परिसरातील निखिल सपकाळे (२०) याने नैराश्यातून केल्याची घटना समोर आली आहे.