म. टा. वृत्तसेवा, नवी मुंबई नवी मुंबई महापालिकेच्या अतिक्रमण विभागाने गुरुवारी वाशी सेक्टर १७ येथील मोहन बिजू सोसायटीमधील तळमजल्यावरील गाळेधारकांनी मार्जिनल स्पेसमध्ये अनधिकृतरीत्या केलेली अतिक्रमणे पाडून टाकली. येथील १७ गाळेधारकांनी मार्जिनल स्पेसवर काचेची तावदाने उभारून अतिक्रमण केले होते. या अतिक्रमणांना वाशी विभाग कार्यालयामार्फत २०१३ मध्ये नोटिसा बजावण्यात आल्या होत्या. तसेच, ही अतिक्रमणे हटविण्यासाठी २४ तासांची अंतिम नोटीस २३ जूनला देण्यात आली होती. मात्र गाळेधारकांनी या नोटिशीला काहीही उत्तर न दिल्याने गुरुवारी धडक कारवाई करून ही अतिक्रमणे काढून टाकण्यात आली. उपायुक्त सुभाष इंगळे, सहा. आयुक्त डॉ. कैलास गायकवाड, वाशीचे विभाग अधिकारी महेंद्रसिंग ठोके यांच्या प्रत्यक्ष उपस्थितीत ही धडक मोहीम राबविण्यात आली होती.
अतिक्रमण हटवले
नवी मुंबई महापालिकेच्या अतिक्रमण विभागाने गुरुवारी वाशी सेक्टर १७ येथील मोहन बिजू सोसायटीमधील तळमजल्यावरील गाळेधारकांनी मार्जिनल स्पेसमध्ये अनधिकृतरीत्या केलेली अतिक्रमणे पाडून टाकली. येथील १७ गाळेधारकांनी मार्जिनल स्पेसवर काचेची तावदाने उभारून अतिक्रमण केले होते.
Maharashtra Times 1 Jul 2016, 3:00 am