उरण ओएनजीसी प्लांट आग दोन तासांनी आटोक्यात

नवी मुंबई: उरण येथील तेल आणि नैसर्गिक वायू महामंडळाच्या (ओएसजीसी) गॅस प्रोसेसिंग प्लांटला लागलेली भीषण आग सुमारे दोन तासांच्या प्रयत्नांनंतर आटोक्यात आली आहे. ओएनजीसीने ट्विटद्वारे ही माहिती दिली आहे. या आगीत आतापर्यंत ७ जणांचा बळी गेला असून ३ जण जखमी आहेत.

आज सकाळी सात वाजता नवी मुंबई परिसरातील उरण येथील ओएनजीसी गॅस प्रोसेसिंग प्लांटला लिक्विड गळतीमुळे भीषण आग लागली. ही आग विझवण्यासाठी ओएनजीसी, द्रोणागिरी, जेएनपीटी, पनवेल आणि नेरूळ अग्निशमन दल केंद्रांची मदत घेण्यात आली.


ओनएनजीसीने दिलेल्या माहितीनुसार,आज सकाळी उरणच्या ओएनजीसी प्लांटमधईल स्टॉर्म वॉटर ड्रेनेजमध्ये लागली. प्रथम ओएनजीसी फायर सर्व्हीस आणि क्रायसिस मॅनेटमेंटच्या टीमने ही आग विझवण्याचा प्रयत्न केला. या आगीचा प्लांटमधील ऑईल प्रोसेसिंगवर कोणताही परिणाम झाला नसल्याचे ओएनजीसीने स्पष्ट केले आहे. दरम्यान, येथील गॅस हजिरा प्लांडमध्ये वळवण्यात आला आहे.