म. टा. प्रतिनिधी, पुणे
विनोदातील नावीन्य, अभिनयातील सहजता, संगीत आणि नेपथ्याचा उत्तम आविष्कार यांचा अनोखा मेळ असलेल्या आबासाहेब गरवारे कॉलेजच्या 'व्हाइट कॉमेडी' या एकांकिकेने बाजी मारून विनोदोत्तम करंडक पटकावला. एआयएसएसएमएस कॉलेजच्या 'बँड बाजा हळद' या एकांकिकेने द्वितीय; तर व्हीआयआयटीच्या 'भगदाड' या एकांकिकेने तृतीय क्रमांकाचे पारितोषिक मिळवले.
तीन दिवस रंगलेल्या या स्पर्धेमध्ये पुण्यातील महाविद्यालये आणि नाट्य संस्थांनी मोठ्या प्रमाणावर सहभाग घेतला होता. निर्माते दिग्दर्शक श्रीरंग गोडबोले यांच्या हस्ते विजेत्यांना पारितोषिके प्रदान करण्यात आली. या वेळी स्पर्धेचे परीक्षक देवदत्त पाठक, श्रीराम ओक आणि मिलिंद केळकर, विनोदोत्तम करंडकाचे संस्थापक मनोहर कोलते, आयोजन समितीचे सदस्य अमर परदेशी, राजीव पुणेकर, अमित काळे, शैलेंद्र भालेराव, अनिता कामटे, तन्मय धायरकर, यतीन ग्रामोपाध्ये आदी उपस्थित होते. कार्यक्रमात दिग्दर्शक यतीन माझिरे व प्रकाशयोजनाकार सुधीर फडतरे यांना विनोदवीर पुरस्कार देऊन सन्मानित करण्यात आले. सिंहगड रोड येथील दांडेकर पूल परिसरात कालवा फुटल्याने संसार उद्ध्वस्त झालेल्या राजू पाटील यांना 'विनोदोत्तम'तर्फे रुपये दहा हजारांची मदतही प्रदान करण्यात आली.
-----------------------------
स्पर्धेचा सविस्तर निकाल :
उत्कृष्ट लेखन (विभागून)- व्हाइट कॉमेडी (अथर्व शाळीग्राम, शर्वरी लहाडे- आबासाहेब गरवारे महाविद्यालय, पुणे) आणि भारत बंद (स्वप्नील जोशी- पाटे नाटक कंपनी)
उत्कृष्ट पार्श्वसंगीत- ऑन टाइम यजमान पसार (अनुष्का जोशी, कार्तिक भालेराव, सुजय शर्मा- गरवारे वाणिज्य महाविद्यालय)
उत्कृष्ट प्रकाश योजना- व्हाइट कॉमेडी (सूरज गडगिळे- आबासाहेब गरवारे महाविद्यालय)
उत्कृष्ट नेपथ्य- व्हाइट कॉमेडी (वैभव रंधवे- आबासाहेब गरवारे महाविद्यालय)
उत्कृष्ट अभिनय स्त्री
प्रथम क्रमांक -शर्वरी लहाडे- भूमिका- छायाची आई- व्हाइट कॉमेडी (आबासाहेब गरवारे महाविद्यालय)
द्वितीय क्रमांक - साक्षी दिघे- भूमिका- म्हातारी, शेजारीण व इतर- भगदाड (व्हीआयआयटी अभियांत्रिकी महाविद्यालय)
उत्कृष्ट अभिनय पुरुष
प्रथम क्रमांक - व्यंकटेश सुंभे-भूमिका-कपिलचे बाबा- व्हाइट कॉमेडी (आबासाहेब गरवारे महाविद्यालय)
द्वितीय क्रमांक - तन्मय जठ्ठा- भूमिका-अण्णासाहेब-भगदाड (व्हीआयआयटी अभियांत्रिकी महाविद्यालय)
उत्कृष्ट दिग्दर्शन
प्रथम क्रमांक - अर्थव शाळीग्राम, शर्वरी लहाडे व्हाइट कॉमेडी (आबासाहेब गरवारे महाविद्यालय)
द्वितीय क्रमांक -निरंजन लांगे, पुष्कर शिंदे (बँड बाजा हळद) (एआयएसएसएमएस अभियांत्रिकी महाविद्यालय)
तृतीय क्रमांक -तन्मय जठ्ठा, सागर खंडारे-भगदाड (व्हीआयआयटी अभियांत्रिकी महाविद्यालय)
------------------------------