म. टा. प्रतिनिधी, औरंगाबाद
विठ्ठल नामाच्या गजरात तल्लीन होत चिमुकल्यांनी पांडुरंग भक्तीच्या रचना सादर केल्या. 'अबीर गुलाल उधळीत रंग...' सारख्या अवीट भजनांनी विद्यार्थ्यांची अभंग वाणी स्पर्धा रंगली.
महिला सक्षमीकरण संघटना डोळस ग्रुपच्या वतीने गारखेडा परिसरातील श्री विद्या मंदिर येथे अभंग वाणी स्पर्धा घेण्यात आली. यावेळी डोळसच्या अध्यक्ष शैलजा मुन्शी, उपाध्यक्ष मीना तांबोळी, सचिव सुरेखा जोशी, मुख्याध्यापिका नीला अष्टपुत्रे उपस्थित होत्या. आषाढी एकादशीच्या निमित्ताने स्पर्धेचे आयोजन करण्यात आले होते. अतिशय खेळीमेळीच्या वातावरणात स्पर्धा घेण्यात आलेल्या स्पर्धेत १०० विद्यार्थी सहभागी झाले. निरागस बाल गोपाळांनी विठ्ठलावर आधारित अभंग सादर केली. 'धरीला पंढरीचा चोर...', 'अबीर गुलाल उधळीत रंग...', 'सुंदर ते ध्यान....', 'विठ्ठल नामाची शाळा भरली...', 'विठू माऊली तू...', 'नाम तुझे नारायणा...', 'खेळ मांडियेला...' अशा एकापेक्षा एक सरस अभंग मुलांनी गायली. गजानन सोनवणे परीक्षक होते. यावेळी शिक्षिका कीर्ती पुंडे, इरा पांडे, वैशाली देशमुख, स्वप्ना कंगळे, मनीषा न्यायाधीश आदी उपस्थित होत्या.
---
स्पर्धेतील विजेते
---
प्रेरणा पांडव, सिद्धी मोधडकर, सार्थक सोनोने, नभा देवडे, आस्मित टाकसाळ, भैरवी इंगळे, अथर्व केचे, संस्कृती देशमुख, आर्या नाईक, श्रेया नातू, कार्तिक खरात आणि शताक्षी महाजन.
---