म. टा. वृत्तसेवा, नवी मुंबई
शहरातील मान्सूनपूर्व नालेसफाईच्या कामाचा पुरता बोजवारा उडाला आहे. नालेसफाईची सुरू असलेली कामे अत्यंत संथ गतीने सुरू आहेत, तर काही भागांत नालेसफाईच्या कामाला अद्याप सुरुवातच न झाल्याने आश्चर्य व्यक्त होत आहे. ऐरोली व दिघ्याच्या काही प्रभागांत कामाची अजून वर्कऑर्डरच काढली नसल्याने पावसाळ्यात या परिसरातील वसाहतींना फटका बसण्याची शक्यता व्यक्त केली जात आहे.
महापालिका आयुक्त डॉ. रामास्वामी एन. यांनी नालेसफाईच्या कामासाठी २५ मेची डेडलाइन दिली आहे. या मुदतीच्या आत सर्व विभागातील कामे पूर्ण करण्याचे निर्देश संबंधित कंत्राटदारांना दिले आहेत. त्यानुसार अनेक भागांतील कामे पूर्णत्वास आली आहेत. तर काही भागांत अद्याप नाल्यातील गाळ उपसण्याची प्रक्रिया सुरू आहे. असे असले तरी ऐरोली विभागातील अनेक प्रभागांत नालेसफाईच्या कामांना अद्याप सुरुवातच झालेली नाही.
या परिसरात बहुतांशी झोपडपट्ट्या आहेत. त्यामुळे येथील गटारे व नाले बारा महिने तुंबलेले असतात. येथील रहिवासी दैनंदिन कचरा नाले व गटारात टाकत असल्याने नालेसफाईच्या कामात अडथळे निर्माण होतात. परिणामी ही कामे करायला कोणीही कंत्राटदार पुढे येत नसल्याचे बोलले जात आहे. असे असले तरी या परिस्थितीचा फटका या परिसरात राहणाऱ्या रहिवाशांना बसत आहे. मान्सूनपूर्व कामे न झाल्याने या विभागातील बहुतांशी नाले व गटारे तुंबलेल्या अवस्थेत आहेत. त्यातून कमालीची दुर्गंधी येत आहे. पावसाळ्यात हीच परिस्थिती राहिल्यास नागरी आरोग्याचा प्रश्न निर्माण होण्याची शक्यता येथील रहिवाशांनी व्यक्त केली आहे.
नालेसफाईच्या कामाची मुदत संपत आली आहे. परंतु प्रभाग क्रमांक ५, ६ आणि ७मध्ये अद्याप कामाला सुरुवात करण्यात आलेली नाही. सध्या दिघा विभाग कार्यालयांतर्गत येणाऱ्या मुख्य नाल्याच्या सफाईचे काम हाती घेण्यात आले आहे. परंतु याच परिसरातील सुभाषनगर, यादवनगर आणि चिंचपाडा विभागातील कामे रखडली आहेत.
मोठ्या नाल्यांचा विसर
यावर्षी सांडपाणी वाहून नेणारे नाले व गटारांच्या सफाईची कामे महापालिकेने हाती घेतली असली तरी कंत्राटदारांच्या कामचुकार प्रवृत्तीमुळे या कामांचासुद्धा बोजवारा उडाला आहे. यातच यावेळी मोठ्या नाल्यातील गाळ उपसण्याच्या कामाचा प्रशासनाला विसर पडला आहे. त्यामुळे वाशी सेक्टर १७ येथील मोठ्या नाल्यासह घणसोली, कोपरखैरणे, तुर्भे येथील नाले पावसाळ्यात तुंबून सांडपाणी रस्त्यावरून वाहण्याची शक्यता निर्माण झाली आहे.
शहरातील मान्सूनपूर्व नालेसफाईच्या कामाचा पुरता बोजवारा उडाला आहे. नालेसफाईची सुरू असलेली कामे अत्यंत संथ गतीने सुरू आहेत, तर काही भागांत नालेसफाईच्या कामाला अद्याप सुरुवातच न झाल्याने आश्चर्य व्यक्त होत आहे. ऐरोली व दिघ्याच्या काही प्रभागांत कामाची अजून वर्कऑर्डरच काढली नसल्याने पावसाळ्यात या परिसरातील वसाहतींना फटका बसण्याची शक्यता व्यक्त केली जात आहे.
महापालिका आयुक्त डॉ. रामास्वामी एन. यांनी नालेसफाईच्या कामासाठी २५ मेची डेडलाइन दिली आहे. या मुदतीच्या आत सर्व विभागातील कामे पूर्ण करण्याचे निर्देश संबंधित कंत्राटदारांना दिले आहेत. त्यानुसार अनेक भागांतील कामे पूर्णत्वास आली आहेत. तर काही भागांत अद्याप नाल्यातील गाळ उपसण्याची प्रक्रिया सुरू आहे. असे असले तरी ऐरोली विभागातील अनेक प्रभागांत नालेसफाईच्या कामांना अद्याप सुरुवातच झालेली नाही.
या परिसरात बहुतांशी झोपडपट्ट्या आहेत. त्यामुळे येथील गटारे व नाले बारा महिने तुंबलेले असतात. येथील रहिवासी दैनंदिन कचरा नाले व गटारात टाकत असल्याने नालेसफाईच्या कामात अडथळे निर्माण होतात. परिणामी ही कामे करायला कोणीही कंत्राटदार पुढे येत नसल्याचे बोलले जात आहे. असे असले तरी या परिस्थितीचा फटका या परिसरात राहणाऱ्या रहिवाशांना बसत आहे. मान्सूनपूर्व कामे न झाल्याने या विभागातील बहुतांशी नाले व गटारे तुंबलेल्या अवस्थेत आहेत. त्यातून कमालीची दुर्गंधी येत आहे. पावसाळ्यात हीच परिस्थिती राहिल्यास नागरी आरोग्याचा प्रश्न निर्माण होण्याची शक्यता येथील रहिवाशांनी व्यक्त केली आहे.
नालेसफाईच्या कामाची मुदत संपत आली आहे. परंतु प्रभाग क्रमांक ५, ६ आणि ७मध्ये अद्याप कामाला सुरुवात करण्यात आलेली नाही. सध्या दिघा विभाग कार्यालयांतर्गत येणाऱ्या मुख्य नाल्याच्या सफाईचे काम हाती घेण्यात आले आहे. परंतु याच परिसरातील सुभाषनगर, यादवनगर आणि चिंचपाडा विभागातील कामे रखडली आहेत.
मोठ्या नाल्यांचा विसर
यावर्षी सांडपाणी वाहून नेणारे नाले व गटारांच्या सफाईची कामे महापालिकेने हाती घेतली असली तरी कंत्राटदारांच्या कामचुकार प्रवृत्तीमुळे या कामांचासुद्धा बोजवारा उडाला आहे. यातच यावेळी मोठ्या नाल्यातील गाळ उपसण्याच्या कामाचा प्रशासनाला विसर पडला आहे. त्यामुळे वाशी सेक्टर १७ येथील मोठ्या नाल्यासह घणसोली, कोपरखैरणे, तुर्भे येथील नाले पावसाळ्यात तुंबून सांडपाणी रस्त्यावरून वाहण्याची शक्यता निर्माण झाली आहे.