मुलगा सतत द्यायचा त्रास, कंटाळलेल्या पित्याने मुलाचा कायमचा काढला काटा, केलेले कृत्य पाहून सारेच हादरले

धाराशिव : मुलाने दारु पिऊन सतत मानसिक त्रास दिल्याने या त्रासाला कंटाळलेल्या पित्याने मुलाचा खून केल्याची घटना धाराशिवमधील येरमाळा येथे घडली आहे. त्रासाला कंटाळलेल्या या पित्याने त्रास देणारा हा मुलगा झोपल्यानंतर त्याच्या डोक्यात दगड घालून त्याचा खून केला. या प्रकरणी पित्याला येरमाळा पोलिसांनी अटक केली आहे.

येरमाळा येथील सतीश महादेव‎ बारकूल (वय ५५ वर्षे) यांचा मुलगा रामराजे‎ सतिश बारकुल (वय २३ वर्षे) हा सतत मानसिक व कौटुंबिक‎ त्रास देत होता. बुधवारी रात्री तो दारू पिऊन ‎घरी‎‎‎‎‎‎ आल्यावर बाप-लेकामध्ये भांडण झाले.‎ या भांडणाचा राग मनात धरून मुलगा रामराजे याने वडिलांसह आईला जीवे‎ मारण्याची धमकी दिली होती.

वितभर पोटासाठी गमावला जीव! समृद्धी महामार्गावर चहा विकायला गेला, मागून आला भरधाव टँकर आणि...
पित्याने झोपलेल्या मुलाच्या डोक्यात घातला दगड

हे भांडण झाल्यानंतर रामराजे हा शेतात निघून गेला. रामराजे याचे वडील सतीश हे रोजच्या भांडणामुळे वैतागून गेले होते. यामुळे त्यांनी रामराजे यास‎ जीवे मारण्याचे मनात ठरवले. त्यांचा मुलगा रामराजे हा कळंब – येरमाळा रोडवरील‎ शेतातील असणाऱ्या गोठ्यामध्ये झोपला होता. सतीश यांनी गुरुवार दिनांक २ फेब्रुवारी रोजी पहाटे ५ च्या सुमारास तेथे जात झोपेत असलेल्या मुलाच्या डोक्यात दगड घातला. या हल्ल्यात रामराजे याचा‎ जागीच मृत्यू झाला.

पित्याने मुलाला मारले हे कोणालाही माहिती नव्हते. मुलाच्या मृत्यूनंतर त्याच्यावर अंत्यसंस्कार करण्यात आले. त्यानंतर सतीश बारकूल यांनी‎ त्यांचा लहान भाऊ लालासाहेब महादेव‎ बारकूल यास आपण मुलाचा खून केल्याचे सांगितले.‎ हे ऐकून मुलाचा चुलता लालासाहेब बारकूल यांना धक्काच बसला. लालासाहेब यांच्या फिर्यादीवरुन‎ येरमाळा पोलिस ठाण्यामध्ये कलम ३०२ अंतर्गत सतीश बारकूल यांच्या विरोधात गुन्हा नोंद करण्यात आला आहे.

चुना आयोग, पानटपरीवाला, रिक्षावाला, कोंबडीचोर; सुषमा अंधारेंचा भाजप, बच्चू कडूंवर निशाणा
सतीश बारकूल यांच्या विरुद्ध हा गुन्हा दाखल झाल्यानंतर बापानेच मुलाचा खून केल्याचे समजल्यानंतर कळंब तालुक्यासह उस्मानाबाद जिल्ह्यात एकच खळबळ उडाली. परिसरात सर्वत्र या प्रकरणाची लोक चर्चा करताना दिसत आहेत.