Palghar : शेतात आढळला आदिवासी महिलेचा मृतदेह; शवविच्छेदन अहवालात धक्कादायक माहिती उघड

पालघर: पालघर जिल्ह्यातील विक्रमगडमधील एका गावाजवळील शेतात २८ वर्षीय आदिवासी महिलेचा मृतदेह आढळला. या घटनेने जिल्ह्यात खळबळ उडाली आहे. याबाबत पोलिसांनी बुधवारी माहिती दिली. शवविच्छेदन अहवालात धक्कादायक माहिती समोर आली आहे.

रिपोर्टनुसार, २८ वर्षीय महिलेचा मृतदेह शेतात आढळल्याने पालघर जिल्ह्यात खळबळ माजली. प्रभावती भोये असे मृत महिलेचे नाव आहे. साखरे गावाजवळील शेतात तिचा मृतदेह आढळला. येथील काही स्थानिकांना शेतात तिचा मृतदेह आढळला. त्यांनी तातडीने याबाबत पोलिसांना माहिती दिली. विक्रमगड पोलीस ठाण्यातील अधिकाऱ्यांनी ही माहिती दिली.

Palghar : १९ वर्षीय आदिवासी तरूणीवर सामूहिक बलात्कार, पालघरमधील धक्कादायक घटना
पुण्यात ज्युनिअर अभिनेत्रीवर दिग्दर्शकाकडून बलात्कार, पीडितेने पोलिसांना दिली धक्कादायक माहिती

पोलिसांनी तातडीने घटनास्थळी धाव घेऊन पाहणी केली. महिलेचा मृतदेह विच्छेदनासाठी रुग्णालयात नेला. शवविच्छेदन अहवालात धक्कादायक माहिती उघड झाली आहे. महिलेच्या गळ्यावर व्रण असल्याचे स्पष्ट झाले आहे, असे सांगण्यात येत आहे. या महिलेची गळा आवळून हत्या केली असावी, असा प्राथमिक अंदाज व्यक्त करण्यात येत आहे. पोलिसांनी या प्रकरणी अज्ञातांविरोधात हत्येचा गुन्हा दाखल केला आहे. या प्रकरणी पुढील तपास सुरू आहे, अशी माहिती पोलिसांनी दिली.