पाचशे रुपयांवरून वाद; बायकोसोबत मस्करीची कुस्करी; विरारमध्ये तरुणाने जीव गमावला

विरार: पत्नीला घाबरवण्यासाठी पती गळफास लावण्याचं नाटक करायला गेला. मात्र गळफास लागल्यानं त्याचा मृत्यू झाला. सोमवारी ही घटना घडली. पत्नीला घाबरवताना पतीचा मृत्यू झाल्याची माहिती पोलिसांनी दिली. पतीचं वय ३५ वर्षे होतं.

सहा दिवसांपूर्वी दाम्पत्य विरारमध्ये राहण्यास आलं होतं. भगवान रामजी शर्मा भाईंदरमधील कपडा निर्मितीच्या कारखान्यात काम करत होते. पोलिसांनी दिलेल्या माहितीनुसार, भगवान यांनी त्यांची २६ वर्षीय पत्नी चांदनीदेवीला कपडे खरेदी करण्यासाठी २ हजार रुपये दिले होते. त्यावेळी पत्नीनं ५०० रुपये परत करण्याचं आश्वासन दिलं होतं. मात्र तिनं ५०० रुपये परत केले नाहीत. यावरून दोघांमध्ये वाद झाला.
लग्नाच्या १२ वर्षानंतर पूजा म्हणाली, माझं नाव हसीना बानो! नवऱ्याला धक्का बसला अन् मग...
पाचशे रुपये परत न केल्यास मी आत्महत्या करेन अशी धमकी भगवान यांनी चांदनीदेवीला दिली. भगवान पत्नीला घाबरवण्याचा प्रयत्न करत होते. भगवान मस्करी करत होते. त्यांनी स्वत:ला बेडरुममध्ये बंद केलं. मी स्वत:चं आयुष्य संपवत असल्याचं त्यांनी पत्नी सांगितलं. पंख्याला ओढणी बांधून त्यांनी गळफास तयार केला.
ट्रक थांबला, ग्रामस्थ जमले; बकऱ्या घेऊन पळाले, भररस्त्यात दिवसाढवळ्या लूट
चांदनीदेवी यांना घाबरवण्यासाठी भगवान यांनी आत्महत्येची धमकी दिली. त्यांनी लटकण्याचा अभिनय केला. मात्र त्यांना खराखुरा गळफास लागला. बराच वेळ दरवाजा न उघडल्यानं चांदनीदेवींनी शेजाऱ्यांना बोलावलं. त्यांनी दरवाजा तोडला. त्यावेळी भगवान पंख्याला लटकलेले दिसले. त्यांना जवळच्या रुग्णालयात दाखल करण्यात आलं. मात्र डॉक्टरांनी त्यांना मृत घोषित केलं.