Palghar: आधी केला सेक्स, मग लागली पैशांची भूक; महिलेच्या पतीस रंगेहात पकडलं

पालघर: विवाहबाह्य संबंधातून (Extra-Marital Affair) एका ७० वर्षीय पेशाने व्यवसायिक असलेल्या व्यक्तीला ब्लॅकमेल करून खंडणी मागितल्याची घटना उघडकीस आली आहे. खंडणी उकळणाऱ्या महिलेच्या पतीस बोईसर पोलिसांनी रंगेहात पकडून अटक केली.

बोईसर परीसरातील एका ७० वर्षीय पेशाने व्यावसायिक असलेल्या एका व्यक्तीचे याच परिसरातील ३५ वर्षीय महीलेशी गेल्या ६ ते ७ वर्षापासून विवाहबाह्य संबंध होते. विवाहबाह्य संबंधातून आपण गरोदर राहीले असल्याचे सांगत गर्भपात करण्यासाठी सदर व्यक्तीकडून २० लाख रुपये उकळले होते. गर्भपात केल्यामुळे इतर शारीरीक व्याधींचा त्रास सुरू असल्याचे भासवत तसेच कुटुंबाचा खर्च करण्यासाठी आणखी पैसे हवे असे सांगून ही महीला आणि तिचा पती विविध कारणे देऊन सतत या ७० वर्षीय व्यक्तीला ब्लॅकमेल करत होते. या व्यक्तीकडून महिला व तिच्या पतीने आजवर ३२ लाख रुपये उकळले असल्याची माहिती देखील समोर आली आहे.

वाचा- शिंदे सरकारकडून एकनाथ खडसे यांना मोठा धक्का; पत्नी मंदाताई खडसे यांच्या अडचणीत वाढ

काही दिवसांपूर्वी या महीलेने आपल्या आजारावर रुग्णालयात उपचार करण्याचे कारण देत सदर व्यक्तीकडे ३ लाख रुपयांची मागणी केली. पैसे न दिल्यास शारीरीक संबंधाचा जवळ असलेला व्हिडीओ कुटुंबांला पाठवून बदनामीची धमकी सुद्धा देण्यात आली. सततच्या ब्लॅकमेलिंगला कंटाळून या व्यक्तीने बोईसर पोलिस स्टेशन गाठत तक्रार दाखल केली. महिलेने मागितलेल्या ३ लाख रुपयांपैकी दीड लाख रुपये खंडणीची रक्कम घेताना बोईसर एसटी डेपो परिसरात महीलेच्या पतीस बोईसर पोलिसांनी रंगेहाथ पकडून अटक केली आहे.

वाचा- पुण्यातील शितोळे कुटुंबावर शोककळा; शाळेत जाणाऱ्या दोन सख्ख्या बहिणींचा जागेवर मृत्यू

अटक करण्यात आलेल्या महिलेच्या पतीला न्यायालयात हजर केले असता २२ ऑगस्ट पर्यंत पोलीस कोठडी सुनावण्यात आली आहे. याप्रकरणी संबंधित महीलेची देखील चौकशी सुरू असून पोलीस अधीक्षक बाळासाहेब पाटील, बोईसर पोलिस स्टेशनचे वरीष्ठ पोलिस निरीक्षक सुरेश कदम, सहाय्यक पोलीस निरीक्षक सुरेश साळुंखे यांच्या मार्गदर्शनाखाली उपनिरीक्षक योगेश खोंडे व बोईसर पोलीस या घटनेचा अधिक तपास करीत आहेत.