Palghar : स्मशानभूमी नसल्याने नदीच्या धोकादायक प्रवाहातून मृतदेह नेण्याची वेळ

पालघर : पालघर जिल्ह्यातील ( Palghar News ) ग्रामीण भागात सोयी सुविधांचा असलेला अभाव आणि त्यांचा उडालेला बोजवारा पुन्हा एकदा उघड झाला आहे. रस्ता आणि स्मशानभूमी नसल्याने मृतदेह नदीच्या धोकादायक पाण्याच्या प्रवाहातून कुटुंबीय घेऊन जात असतानाचा धक्कादायक व्हिडिओ समोर आला आहे.

स्मशानभूमी नसल्याने भर पावसात मृतदेहावर उघड्यावर अंत्यसंस्कार करण्यात आले. तलासरी तालुक्यातील बोरमाळ - भेंडीपाडा येथील धक्कादायक व्हिडिओ समोर आला आहे. दोन दिवसांपूर्वी बोरमाळ भेंडीपाडा येथील वयोवृद्ध असलेले मंगू धोडी यांचा मृत्यू झाला. मात्र या पाड्यात स्मशानभूमी नसल्याने आणि नेहमीच्या अंत्यसंस्काराच्या ठिकाणी मृतदेह नेण्यासाठी रस्ता नसल्याने मंगू धोडी यांच्या कुटुंबीयांनी मृतदेह खांद्यावर घेत काळू नदीच्या धोकादायक पाण्याच्या प्रवाहातून दुसऱ्या बाजूला नेला. त्यानंतर या मृतदेहावर भर पावसात उघड्यावर अंत्यसंस्कार करण्यात आले.

Vasai: भयंकर घटना! पत्नीला झोपेतून उठवलं अन् धावत्या ट्रेनसमोर ढकलून दिलं, दोन मुलांना घेऊन पती फरार

भेंडीपाडा येथे मागील अनेक वर्षांपासून स्मशानभूमी आणि अंत्यसंस्कार कराव्या लागणाऱ्या जागेला जोडणारा पूल व्हावा, अशी नागरिकांची मागणी आहे. मात्र, तरीही या मागणीकडे दुर्लक्ष केले जात असल्याचा आरोप नागरिकांकडून करण्यात येत आहे.

हृदयद्रावक! आरोग्य सेवा मिळाली नाही महिलेला जुळ्या बालकांचा डोळ्यादेखत मृत्यू पहावा लागला