मध्यरात्री धावत्या रेल्वेतून तरुण पडला अन्..., पुढे जे घडलं ते वाचून थरकाप उडेल

परभणी : मध्यरात्री धावत्या रेल्वेतून एक तीस वर्षीय अनोळखी व्यक्ती पडल्याने धक्कादायक प्रकार घडला. तरुणाच्या तोंडाला व डोक्याला मार लागून मृत्यू झाल्याची घटना परभणीच्या गंगाखेड रेल्वे स्थानकावर घडली आहे. सदरील व्यक्तीचा मृतदेह गंगाखेड येथील उपजिल्हा रुग्णालयात उत्तरीय तपासणीसाठी ठेवण्यात आला आहे. रेल्वे पोलिसांकडून व्यक्तीची ओळख पटवण्याचे काम केले जात आहे.

गंगाखेड रेल्वे स्थानकावरून मध्यरात्री तिरुपती एक्सप्रेस ही गाडी जात असताना गाडीमधून ३० वर्षीय व्यक्ती खाली पडला. गाडीतून खाली पडल्यामुळे व्यक्तीच्या तोंडाला व डोक्याला गंभीर दुखापत झाली. त्यामुळे सदरील व्यक्तीचा जागीच मृत्यू झाला. घटनेची माहिती मिळताच रेल्वे पोलीस कर्मचारी मुकुंद परळे यांनी घटनास्थळी धाव घेतली.

राज्यात पाऊस ओसरला पण 'या' भागांना आज यलो अलर्ट, हवामान खात्याकडून मुसळधार पावसाचा इशारा
घटनेचा पंचनामा करून मृत अनोळखी व्यक्तीचा मृतदेह उत्तरीय तपासणीसाठी त्यांनी गंगाखेड उपजिल्हा रुग्णालयात ठेवला आहे. सदरील अनोळखी व्यक्तीची ओळख पटवण्याचे काम रेल्वे पोलिसांकडून केले जात आहे. व्यक्तीच्या एका हातावर प्रेम असे गोंदलेले असल्याचे पोलिसांनी सांगितले आहे.

पुण्यात दर्शनासाठी निघालेल्या MIT च्या विद्यार्थ्यांची गाडी पलटली; दोघांचा मृत्यू, पाच जखमी
या व्यक्तीला कोणी ओळखत असल्यास रेल्वे पोलिसांची संपर्क साधावा असे आव्हान देखील करण्यात आले आहे. दरम्यान काही दिवसांपूर्वी गंगाखेड - परळी मार्गावरील वडगाव स्टेशन जवळ एक व्यक्ती दिवसभर रेल्वे रुळावर फिरल्यानंतर त्याचा रेल्वेखाली सापडून मृत्यू झाल्याची घटना घडली होती.