पोलिसांनी सिनेस्टाईल केला कारचा पाठलाग, गाडी उघडताच हाती लागलं मोठं घबाड

परभणी : पोलिसांना एका चार चाकी वनातून येत असल्याची गुप्त माहिती मिळाली होती. यानंतर पोलीस परभणी शहरातील अमीन कॉलनी इथे गेले असता त्यांना पाहून कार चालकाने वाहनासह पळ काढला. पोलिसांनी सिनेस्टाईल पाठलाग करण्यास सुरुवात केल्यानंतर वाहन चालक एकबाल नगर इथे वाहन सोडून पळून गेला. यावेळी वाहनाची पाहणी केली असता मोठं घबाड हाती लागलं आहे.

मिळालेल्या माहितीनुसार, पोलिसांनी गाडीचा तपास केला असता यामध्ये २ लाख ६० हजार ७५० रुपये किंमतीचा गुटखा पोलिसांना आढळून आला आहे. याप्रकरणी नवा मोंढा पोलीस ठाण्यात गुन्हा दाखल करण्यात आला आहे. अधिक तपास पोलीस करत आहेत. पोलीसांना अमीन कॉलनी परभणी इथे एका चारचाकी वाहनामधून अवैधरित्या गुटख्याची वाहतूक होत असल्याची माहिती मिळाली. या माहितीच्या आधारे पोलिसांनी मध्यरात्री बारा वाजेच्या सुमारास पोलीस अमीन कॉलनी येथे गेले असता त्यांना पाहून कार चालकाने वाहनासह पळ काढला. पोलीसांनी सदर वाहनाचा पाठलाग केला.

Dolo 650 Uses: तापावर डॉक्टरांनी तुम्हाला दिली होती का Dolo-650? समोर आले धक्कादायक सत्य
एकबाल नगर येथे चालक वाहन सोडून पळून गेला. पोलीसांनी एम. एच. २० ए. ए. ५९११ या वाहनाची पंचासमक्ष तपासणी केली असता त्यामध्ये गोवा गुटखा मिळून आला. सदर वाहनात एकूण २ लाख ६० हजार ७५० रुपये किंमतीचा गुटखा होता. पोलीसांनी गुटख्यासह वाहन ताब्यात घेत नवा मोंढा पोलीस ठाण्यात आणले.

पोलीस कर्मचारी शेख रफियोद्दिन यांच्या फिर्यादीवरुन वाहनचालक, मालकाविरोधात नवा मोंढा पोलीसात गुन्हा दाखल करण्यात आला आहे. तपास पोउपनि एन. पी. पाटील करत आहेत. सदर कारवाई स्थागुशाचे पोलीस उपनिरीक्षक साईनाथ पुयड, व्यंकट कुसमे, पोलीस कर्मचारी जाधव, शेख रफियोद्दिन यांच्या पथकाने कारवाई केली.