नदीत सुरू होता पाण्याचा विसर्ग, त्यात जे वाहत आले ते धक्कादायक, पोलिसांनीही घेतली धाव

परभणी : राहटी नांदगाव परिसरात नदीपात्रात कुजलेल्या अवस्थेमध्ये एका व्यक्तीचा मृतदेह आढळून आल्याने परिसरात एकच खळबळ उडाली आहे. मृत व्यक्ती पुराच्या पाण्यामध्ये वाहून आली असल्याचा प्राथमिक अंदाज पोलिसांकडून वर्तवण्यात आला आहे. घटनेची माहिती मिळताच ताडकळस पोलिसांनी घटनास्थळी भेट देऊन मृतदेह ताब्यात घेतला आहे. या मृत व्यक्तीची ओळख पटवण्याचे काम सुरू असल्याचे पोलिसांकडून सांगण्यात आले आहे. (In Parbhani a dead body was found in a rotten state in a river bed)

परभणीतील राहटी , नांदगाव परिसरातून वाहणाऱ्या नदीपात्रात एका चाळीस वर्षीय अनोळखी व्यक्तीचा मृतदेह गावकऱ्यांना नदीपात्रामध्ये सडलेल्या अवस्थेत दिसून आला. त्यानंतर याची माहिती गावच्या पोलीस पाटलांना देण्यात आली. पोलीस पाटलांनी नदीपत्रात जाऊन पाहणी केली. ते दृश्य पाहून त्यांना धक्का बसला. त्यानंतर याबाबतची माहिती त्यांनी तत्काळ ताडकळस पोलिसांना दिली. त्यानंतर ताडकळस पोलिसांनी घटनास्थळी भेट देऊन मृतदेह ताब्यात घेऊन घटनास्थळाचा पंचनामा केला.

क्लिक करा आणि वाचा- सच्चा शिवसैनिकासाठी धावले एकनाथ शिंदे, तातडीने धाडली २ लाखांची मदत

या अज्ञात व्यक्तीचा मृतदेह कुजलेल्या अवस्थेत आहेत. त्यामुळे अनोळखी व्यक्तीची ओळख पटवणे शक्य होत नसल्याने ताडकळस पोलिसांकडून ओळख पटवण्याचे काम केले जात आहे.

क्लिक करा आणि वाचा- सावधान! मोबाईल अ‍ॅपमधून कर्ज घ्यायला गेला आणि फसला; वैतागलेल्या तरुणाने अखेर...

दुधना नदीपात्रामध्ये लोअर दुधना प्रकल्पामधून पाण्याचा विसर्ग केला जात आहे. तर पूर्ण नदीपात्रामध्ये येलदरी धरणातून पाण्याचा विसर्ग करण्यात येत आहे. त्यामुळे हा मृतदेह पाण्याच्या प्रवाहाबरोबर वाहून आला असावा असा प्राथमिक अंदाज पोलिसांनी वर्तवला आहे. या घटनेची नोंद ताडकळस पोलीस ठाण्यामध्ये करण्यात आली आहे. या घटनेचा अधिक तपास पोलीस करत असल्याची माहिती सहाय्यक पोलीस निरीक्षक विजय रामोड यांनी दिली आहे.

क्लिक करा आणि वाचा- उत्पन्न कमी अन् कर्जाचा वाढता डोंगर; खचलेल्या शेतकऱ्याच्या कृत्याने सगळेच हादरले