बाजारपेठेतून घरी जाताना युवतीसोबत घडला विचित्र प्रकार, बाईकवरुन आलेल्या तिघांनी पाहा काय केलं

परभणी : बाजारपेठेत खरेदी करून चुलत बहिणी सोबत घराकडे जात असताना मोटरसायकलवर आलेल्या तिघा जणांपैकी एकाने या युतीच्या पाठीवर चापट मारुन विनयभंग केल्याची घटना शहरातील जुना पेडगाव रोडवर घडली आहे. या प्रकरणी कोतवाली पोलीस ठाण्यात सचिन विठ्ठल जाधव उर्फ गुंडा आणि त्याच्या दोन मित्रांवर गुन्हा दाखल करण्यात आला आहे. घटनेचा अधिक तपास पोलीस करत आहेत.

परभणी शहरातील जुना पेडगाव रोड वर राहणारी एक २२ वर्षीय युवती आपल्या चुलत बहिणीसह बाजारपेठेत खरेदी करून घराकडे जात होती. याच दरम्यान मोटरसायकलवर आलेल्या तिघा जणांपैकी एका जणाने युवतीच्या पाठीवर चापट मारली. आणि त्यानंतर युतीकडे पाहून जोरजोरात हसून निघून गेले. हा प्रकार घडल्यानंतर युतीने कोतवाली पोलीस ठाणे गाठून तक्रार दिली आहे.

Vedanta Foxconn: एमआयडीसी म्हणते वेदान्त-फॉक्सकॉनचा करार झालाच नव्हता; शिवसेनेने पुरावेच बाहेर काढले
त्यावरून सचिन विठ्ठल जाधव उर्फ गुंडा आणि त्याच्या दोन मित्रावर विनयभंगाचा गुन्हा दाखल करण्यात आला आहे. घटनेचा अधिक तपास सहाय्यक पोलीस निरीक्षक मान्टे करत आहेत. दरम्यान, मागील काही दिवसांपासून परभणी जिल्ह्यामध्ये महिलांवर होणाऱ्या अन्यायाच्या घटनेमध्ये वाढ झाली आहे. नियमित घटना घडत असल्याने महिला सुरक्षित आहेत का असा प्रश्न उपस्थित केला जात आहे. पोलीस प्रशासनाने घटनांना आळा घालण्यासाठी उपाययोजना करण्याची गरज बनली आहे.