दारु पिऊन घरी आला, झोपलेल्या बायकोला उठवलं, 'नको' ऐकताच नवऱ्याची सटकली अन्...

परभणी : मद्यधुंद अवस्थेत घरी आलेल्या पतीने पत्नीला उठवले. मात्र तिने नकार दिल्यामुळे चिडलेल्या पतीने तिच्यावर चाकूने सपासप वार केले. हात, पाय, खांद्यावर घाव केल्यामुळे पत्नी गंभीर जखमी झाली आहे. परभणी जिल्ह्यात अंगाचा थरकाप उडवणारी घटना समोर आली आहे.

पत्नी घरामध्ये झोपलेली असताना दारू पिऊन पती घरामध्ये आला. त्याने झोपलेल्या पत्नीला उठवण्याचा प्रयत्न केला, मात्र पत्नीने उठण्यास नकार दिला. त्यामुळे रागावलेल्या पतीने पत्नीवर चाकूने वार केले आहेत.

ही घटना परभणी शहरातील महात्मा फुले नगर येथे घडली आहे. या प्रकरणी पत्नीने दिलेल्या फिर्यादीवरून नवा मोंढा पोलीस ठाण्यामध्ये गुन्हा दाखल करण्यात आला आहे. अनिल पवार, पारूबाई पवार असे गुन्हा दाखल झालेल्या आरोपींची नावे आहेत. घटनेचा अधिक तपास पोलीस करत आहेत.

परभणी शहरातील महात्मा फुले नगर भागामध्ये राहणाऱ्या प्रियंका पवार या घरामध्ये झोपल्या होत्या. त्यावेळी त्यांचे पती अनिल पवार हे दारू पिऊन घरामध्ये आले. त्यांनी आपली झोपलेली पत्नी प्रियंका पवार तिला झोपेतून उठवण्याचा प्रयत्न केला, मात्र प्रियंका पवार यांनी झोपेतून उठण्यास नकार दिला. त्यामुळे रागावलेल्या अनिल पवार यांनी पत्नी प्रियंका पवार हिच्या हातावर, पायावर आणि खांद्यावरच्या चाकूने वार करून जखमी केले.

यामुळे घाबरलेल्या प्रियंका पवार यांनी आरडाओरड केल्यानंतर त्या ठिकाणी त्यांच्या सासू पारूबाई पवार आल्या त्यांनी देखील प्रियांका पवार गेला शिवीगाळ केली आणि जीवे मारण्याची धमकी दिली.

हेही वाचा : आता हेच तुझे बाबा, नवऱ्याला सोडून पाच वर्ष प्रियकरासोबत राहिली, पण एका इच्छेमुळे मायलेकाची हत्या

या प्रकरणी प्रियंका पवार हिने दिलेल्या तक्रारीवरून पती अनिल पवार, सासू पारूबाई पवार यांच्या विरोधात नवा मोंढा पोलीस ठाण्यामध्ये गुन्हा दाखल करण्यात आला आहे. घटनेचा अधिक तपास पोलीस करत आहेत. या घटनेमुळे परिसरामध्ये एकच खळबळ उडाली होती.

हेही वाचा : पार्किंगमध्ये मद्यधुंद तरुणाचा मृतदेह, शरीराची चाळण, सीसीटीव्ही फूटेजने अखेर गूढ उकललं