निकिता तुझा मोबाइल नंबर दे... किराणा दुकानावर घडली धक्कादायक घटना

परभणी : तुझा मोबाईल नंबर दे, नंबर दिला नाही तर ऊस कापण्याच्या कोयत्याने तुला व तुझ्या वडिलांना जीवे मारतो, अशी धमकी दिल्याची घटना परभणीच्या सेलू तालुक्यातील निपाणी टाकळी येथे घडली आहे. यावेळी महिलेला अश्लील भाषेत शिवीगाळ देखील करण्यात आली आहे. याप्रकरणी महिलेने दिलेल्या तक्रारीवरून आरोपी विरोधात सेलू पोलीस ठाण्यात गुन्हा दाखल करण्यात आला आहे.

सेलू तालुक्यातील निपाणी टाकळी येथील निकिता किशोर जाधव या त्यांच्या दुकानात असताना गावातील सावंत नावाचा व्यक्ती दुकानावर आला. तुझा मोबाइल नंबर दे, असतो निकिता यांना म्हणाला. यावेळी निकिताने मोबाइल नंबर देण्यास नकार दिला. त्यामुळे सावंत संतापला. तुला आणि तुझ्या वडिलांना जिवे मारून टाकतो, अशी धमकी त्याने दिली. आणि अश्लील भाषेत शिवीगाळ करण्यास सुरुवात केली.

कार-दुचाकी समोरासमोर धडकली, वाहनांचा चुराडा, भीषण अपघाताने दोन कुटुंबांचा आधार हिरावला

हा प्रकार निकिताने आपल्या घरच्यांना सांगितला. त्यानंतर त्यांनी सेलू पोलीस ठाणे गाठून आरोपी विरोधात तक्रार दिली. त्यावरून गुन्हा दाखल करण्यात आला आहे. घटनेचा अधिक तपास सेलू पोलीस ठाण्याचे बीट जमादार व्ही. के. राठोड करत आहेत. दरम्यान एकीकडे महिलांच्या सुरक्षेतेसाठी शक्ती कायदा लागू करणार हे सरकार बोलत आहे. मात्र तो कायदा अद्यापपर्यंत कागदावरच आहे. त्यामुळे महिलांच्या सुरक्षेचा प्रश्न गंभीर बनत चालला आहे. परिणामी शक्ती कायदा कधी लागू होणार? असा प्रश्न आता उपस्थित केला जात आहे.

परभणी जिल्हा हादरला! एकाच दिवशी नदीपात्रात दोन महिलांचे मृतदेह सापडले