ट्यूबवेलच्या पाण्यावरून वाद विकोपाला, सख्या पुतण्याने काकांसोबत केले भयानक कृत्य

परभणी : सामाईक ट्यूबवेल शेतीला पाणी घेण्याच्या कारणावरून सख्या पुतण्याने आपल्या काकाच्या डोक्यात दांड्याने मारहाण केल्याची घटना १४ मे रोजी तालुक्यातील फुलारवाडी येथे घडली. दरम्यान, याप्रकरणी चार जणांविरुद्ध गुन्हा दाखल करण्यात आला आहे. मारोती पवार, महादू पवार, सुरेश पवार, कान्हा पवार असे गुन्हा दाखल झालेल्या आरोपींची नावे आहेत.

विठ्ठल पवार यांना फुलारवाडी शिवारात पाच एकर शेतजमीन आहे. या जमिनीसाठी भाव हिश्शात शेती सिंचनासाठी सामाईक ट्यूबवेल आहे. विठ्ठल आणि मारोती या दोघा भावांमध्ये बोरच्या पाण्यावरून सतत वाद होत होते. १४ मे रोजी दुपारी ४ वाजण्याच्या सुमारास विठ्ठल पवार शेतातील सामायिक ट्यूबवेलवरील मोटार लावण्यासाठी गेले होते. तेव्हा भाऊ मारोती पवार, पुतण्या महादू पवार, सुरेश पवार, कान्हा पवार यांनी बोअरची मोटार लावू दिली नाही. माझा हिस्सा आहे असे म्हटल्यावर भाऊ आणि पुतण्याने दांड्याने मारहाण केली.

मुंबई इंडियन्सकडून खेळणार टीम इंडियाविरुद्ध पदार्पण करणार; द.आफ्रिका टी-20 संघ जाहीर
याप्रकरणी विठ्ठल पवार यांच्या फिर्यादीवरून भाऊ मारोती पवार, पुतण्या सुरेश पवार, महादू पवार, कान्हा पवार यांच्याविरुद्ध पाथरी पोलीस ठाण्यात गुन्हा दाखल करण्यात आला आहे. या प्रकरणाचा अधिक तपास पाथरी पोलीस करीत आहेत.