पोलि​सांनी गुप्त माहितीवरून पुण्यात छापा टाकताच हाती लागलं घबाड; चार जणांना अटक

परभणी : परभणी येथील स्थानिक गुन्हा शाखेच्या पथकाला मिळालेल्या गुप्त माहितीच्या आधारे, पुणे इथे सापळा रचून चार जणांना ताब्यात घेण्यात आले आहे. त्यांच्याकडून जिल्ह्यातील विविध भागातून चोरी गेलेल्या दुचाकी जप्त करण्यात आल्या आहेत. पोलीस प्रशासनाने केलेल्या या कारवाईमुळे दुचाकी चोरी करणाऱ्या टोळीचा पर्दाफास झाला आहे. पोलीस प्रशासनाकडून आरोपीची कसून चौकशी केली जात असल्याने अनेक गुन्हे उघडकीस येण्याची शक्यता वर्तवली जात आहे.

जिल्ह्यातील विविध भागातून दुचाकी चोरी करून त्याची विक्री करत असलेली टोळी पुण्यामध्ये असल्याची गुप्त माहिती परभणी येथील स्थानिक गुन्हा शाखेला मिळाली होती. या माहितीच्या आधारे स्थानिक गुन्हा शाखेच्या पथकाने पुणे इथे सापळा रचून चार आरोपीला ताब्यात घेऊन परभणी इथे आणण्यात आले आहे. या ठिकाणी पोलीस प्रशासनाने आरोपीची चौकशी केली असता त्यांनी जिल्ह्यातील विविध भागांमधून दुचाकी चोरी करून त्याची विक्री केली असल्याची कबुली दिली आहे.

एका महिलेचा २ पुरूषांसोबत सुरू होता भलताच व्यवसाय; रंगेहात पकडताच पोलिसही चक्रावले
पोलीस प्रशासनाने केलेल्या या कारवाईमुळे दुचाकी चोरी करणाऱ्या टोळीचा पर्दाफाश झाला आहे. पोलीस प्रशासनाकडून सदरील चार आरोपीची कसून चौकशी केली जात असून जिल्ह्यामध्ये केलेले अनेक गुन्हे उघडकीस येण्याची शक्यता वर्तवली जात आहे. ही कारवाई पोलीस अधीक्षक आर रागसुधा यांच्या मार्गदर्शनाखाली स्थानिक गुन्हा शाखेच्या पथकाने केली आहे. चार आरोपीला ताब्यात घेतले असल्याने त्यांच्याकडून दुचाकी खरेदी करणारे देखील आता अडचणीत येण्याची शक्यता वर्तवली जात आहे.