शिवसेनेपाठोपाठ राष्ट्रवादीलाही खिंडार, माजी खासदारानंतर शेकडो कार्यकर्त्यांची सोडचिठ्ठी

परभणी : परभणीमध्ये राष्ट्रवादी काँग्रेसला मोठं खिंडार पडलं आहे. जिल्हा परिषद सदस्य प्रल्हाद मुरकुटे, माजी जिल्हा परिषद सभापती शिवाजीराव निरदुडे यांनी राष्ट्रवादी काँग्रेस पार्टीला सोडचिठ्ठी देत आमदार डॉक्टर रत्नाकर गुट्टे मित्र मंडळामध्ये आज प्रवेश केला आहे. निवडणुकीच्या तोंडावर जिल्हा परिषद सदस्य आणि माजी सभापती यांनी राष्ट्रवादीला रामराम केला आहे. हा राष्ट्रवादी काँग्रेसला मोठा धक्का मानला जात आहे.

गंगाखेड शहरातील आर. के. मंगल कार्यालय येथे माजी जिल्हा परिषद सदस्य प्रल्हाद मुरकुटे यांच्या मित्र मंडळात प्रवेशासाठी भव्य अशा कार्यक्रमाचे आयोजन करण्यात आले होते. यावेळी आ. डॉ. रत्नाकर गुट्टे यांच्या नेतृत्वावर विश्वास ठेवून मरडसगाव जिल्हा परिषद गटाचे राष्ट्रवादीचे जिल्हा परिषद सदस्य प्रल्हाद मुरकुटे यांनी आमदार डॉक्टर रत्नाकर गुट्टे काका मित्र मंडळामध्ये आपल्या शेकडो समर्थकांसह प्रवेश केला.

यासोबतच जिल्हा परिषदेचे माजी सभापती शिवाजीराव राष्ट्रवादीला रामराम करत आ. डॉ. रत्नाकर गुट्टे काका मित्र मंडळामध्ये प्रवेश केला. रावसाहेब शिंदे यांनी देखील आमदार डॉक्टर रत्नाकर गुट्टे यांच्या नेतृत्वावर विश्वास ठेवत मित्र मंडळ प्रवेश केला.

स्वतंत्रपणे काम करायचंय... माजी खासदाराची राष्ट्रवादीला सोडचिठ्ठी, शिंदे गटाचा धमाका

गंगाखेड विधानसभा मतदारसंघातील प्रत्येक गावाचा विकास केला जाईल, प्रत्येक गावामध्ये स्मशानभूमी बांधून दिली जाईल, यासाठी आपल्या फंडामधून निधी देणार असल्याची ग्वाही यावेळी रत्नाकर गुट्टे यांनी दिली. याप्रसंगी उद्योजक सुनील गुट्टे यांच्यासह राष्ट्रीय समाज पक्ष आणि आमदार डॉक्टर रत्नाकर गुट्टे काका मित्र मंडळातील पदाधिकारी मोठ्या संख्येने उपस्थित होते.

उद्धव ठाकरेंना धक्का; बालेकिल्ल्यातील आणखी एका नेत्याने केला शिंदे गटात प्रवेश