पन्नास खोके एकदम ओके; संतप्त शिवसैनिकांनी कृषिमंत्री अब्दुल सत्तार यांना अडवले, नंतर सत्तार यांनी...

परभणी: परभणी जिल्ह्याच्या दौऱ्यावर असलेले राज्याचे कृषीमंत्री अब्दुल सत्तार (Abdul Sattar) यांना तीस वर्षापासून शिवसेनेचा बालेकिल्ला असलेल्या परभणीच्या पूर्णा तालुक्यामध्ये शिवसेनेचे जिल्हाप्रमुख विशाल कदम व शिवसैनिकांनी अब्दुल सत्तार यांच्या ताफा अडवला. यावेळी संतप्त शिवसैनिकांनी 'पन्नास खोके एकदम ओके' अशा जोरदार घोषणा दिल्या. त्यामुळे अब्दुल सत्तार यांना थेट गाडीत बसून मार्गस्थ होण्याची वेळ आली आहे. या प्रकारामुळे चांगलाच गोंधळ उडाला होता. (Shiv Sainiks blocked the convoy of Agriculture Minister Abdul Sattar's cars in Parbhani)राज्याचे कृषिमंत्री अब्दुल सत्तार यांनी परभणी शहरात शिंदे गटाच्या शाखा स्थापन कृषी विद्यापीठामध्ये मागासवर्गीय शेतकऱ्यांना बियाण्याचे वाटप केले. त्यानंतर मंत्री सत्तार हे पूर्णा येथे होऊ घातलेल्या मेळाव्याला हजेरी लावण्यासाठी पूर्णाकडे मार्गस्थ झाले. कार्यकर्ते मेळाव्याला जात असलेल्या कृषी मंत्री अब्दुल सत्तार यांना शिवसैनिकांनी रस्त्यातच अडवले. शिवसेनेचे जिल्हाप्रमुख विशाल कदम आणि शिवसैनिकांनी त्यांना अडवले आणि त्यांच्या समोरच पन्नास खोके एकदम ओके अशा जोरदार घोषणा दिल्या. त्यानंतर शिवसैनिकांनी सत्तार यांना एक निवेदन देखील सादर केले.

क्लिक करा आणि वाचा- पोटदुखीचे औषध समजून विषारी द्रव केले प्राषण; रुग्णालयात आणलं, अखेर होत्याचं नव्हतं झालं

या घोषणाबाजीमध्ये मंत्री अब्दुल सत्तार यांना काय करावे हे समजले नाही. आता यावर कोणती प्रतिक्रिया द्यावी यासंदर्भातही त्यांचा गोंधळ उडाला. त्यानंतर लगेच त्यांनी गाडीचा दरवाजा उघडवा आणि त्यांनी गाडीमध्ये प्रवेश केला. पूर्णाजवळ शिवसैनिकांनी कृषी मंत्री अब्दुल सत्तार यांचा ताफा अडवल्याने मोठा गोंधळ उडाला होता.

क्लिक करा आणि वाचा- परभणीचे खासदार संजय जाधव यांच्या गाडीला अपघात, स्कॉर्पिओ गाडीला समोरासमोर धडक

दरम्यान, पूर्णा येथील कार्यक्रम संपल्यानंतर मंत्री अब्दुल सत्तार हे परभणी येथील कार्यकर्ता मेळाव्याला हाजरी लावणार आहेत. मात्र, या ठिकाणच्या कार्यक्रमात देखील अशाच प्रकारे गोंधळ होण्याची शक्यता नाकारता येत नाही.

क्लिक करा आणि वाचा- मरणानंतरही नरक यातना! चक्क बैलगाडीत न्यावा लागला मृतदेह; पाहा, मन हेलावणारा VIDEO