परभणी : माझ्या मरण्यासाठी गावातील तिघेजण कारणीभूत असल्याचा व्हिडिओ तयार करत एका २७ वर्षीय युवकाने लिंबाच्या झाडाला गळफास लावून आत्महत्या केली आहे. ही घटना परभणीच्या जिंतूर तालुक्यातील चिंचोली काळे गावामध्ये घडली. माऊली जवडे असं आत्महत्या केलेल्या युवकाचं नाव आहे. याप्रकरणी बोरी पोलीस ठाण्यामध्ये गुन्हा दाखल करण्यात आला असून घटनेचा अधिक तपास पोलीस करत आहेत.
याबाबतची अधिक माहिती अशी की, परभणीच्या जिंतूर तालुक्यातील चिंचोली काळे येथील रहिवासी माऊली जवडे याला गावातील काही व्यक्तींकडून त्रास दिला जात होता. त्यामुळे माऊलीने एक व्हिडिओ तयार करत माझ्या मरण्यासाठी गावातील गणपत जवडे, उद्धव कुकडे, बाळू जवडे हे तिघेजण कारणीभूत असल्याचं सांगत लिंबाच्या झाडाला गळफास लावून आत्महत्या केली. सदरील घटनेची माहिती मिळताच बोरी पोलीस ठाण्याच्या सहाय्यक पोलीस निरीक्षक सरला गाडेकर यांनी कर्मचाऱ्यांसह चिंचोली काळे येथे धाव घेऊन घटनास्थळी भेट देऊन पाहणी केली. त्यानंतर माऊली जवडे याचा मृतदेह शवविच्छेदनासाठी बोरी येथील रुग्णालयामध्ये दाखल करण्यात आला.
आरोपीवर तात्काळ कारवाई करावी या मागणीसाठी गावातील नागरिकांनी बोरी पोलीस ठाण्यामध्ये एकच गर्दी केली होती. याप्रकरणी बोरी पोलीस ठाण्यामध्ये गुन्हा दाखल करण्यात आला असून घटनेचा अधिक तपास पोलीस करत आहेत. २७ वर्षीय तरुणाने व्हिडिओ व्हायरल करून आत्महत्या केली असल्याने गावामध्ये खळबळ उडाली आहे.
काही दिवसांवर होते लग्न
मयत माऊली जवडे या युवकाचे लग्न काही दिवसांवर आले होते. मात्र त्या अगोदरच माऊलीने गावातील काही व्यक्तींच्या त्रासाला कंटाळून आत्महत्या केली. मृत माऊली याच्या पश्चात आई-वडील, चार बहिणी असा परिवार आहे. घराती एकुलत्या एक मुलाने आत्महत्या केली असल्याने जवडे कुटुंबावर दुःखाचा डोंगर कोसळला आहे.
याबाबतची अधिक माहिती अशी की, परभणीच्या जिंतूर तालुक्यातील चिंचोली काळे येथील रहिवासी माऊली जवडे याला गावातील काही व्यक्तींकडून त्रास दिला जात होता. त्यामुळे माऊलीने एक व्हिडिओ तयार करत माझ्या मरण्यासाठी गावातील गणपत जवडे, उद्धव कुकडे, बाळू जवडे हे तिघेजण कारणीभूत असल्याचं सांगत लिंबाच्या झाडाला गळफास लावून आत्महत्या केली. सदरील घटनेची माहिती मिळताच बोरी पोलीस ठाण्याच्या सहाय्यक पोलीस निरीक्षक सरला गाडेकर यांनी कर्मचाऱ्यांसह चिंचोली काळे येथे धाव घेऊन घटनास्थळी भेट देऊन पाहणी केली. त्यानंतर माऊली जवडे याचा मृतदेह शवविच्छेदनासाठी बोरी येथील रुग्णालयामध्ये दाखल करण्यात आला.
आरोपीवर तात्काळ कारवाई करावी या मागणीसाठी गावातील नागरिकांनी बोरी पोलीस ठाण्यामध्ये एकच गर्दी केली होती. याप्रकरणी बोरी पोलीस ठाण्यामध्ये गुन्हा दाखल करण्यात आला असून घटनेचा अधिक तपास पोलीस करत आहेत. २७ वर्षीय तरुणाने व्हिडिओ व्हायरल करून आत्महत्या केली असल्याने गावामध्ये खळबळ उडाली आहे.
काही दिवसांवर होते लग्न
मयत माऊली जवडे या युवकाचे लग्न काही दिवसांवर आले होते. मात्र त्या अगोदरच माऊलीने गावातील काही व्यक्तींच्या त्रासाला कंटाळून आत्महत्या केली. मृत माऊली याच्या पश्चात आई-वडील, चार बहिणी असा परिवार आहे. घराती एकुलत्या एक मुलाने आत्महत्या केली असल्याने जवडे कुटुंबावर दुःखाचा डोंगर कोसळला आहे.