परभणी: परभणी शहरातील शंकरनगर येथील एका २४ वर्षीय महिलेचा प्रसूतीनंतर जिल्हा रुग्णालयात मृत्यू झाला आहे. वैद्यकीय अधिकारी आणि कर्मचाऱ्यांनी हलगर्जीपणा केल्यामुळे महिलेचा मृत्यू झाल्याचा आरोप नातेवाईकांनी केला आहे. संबंधित वैद्यकीय अधिकारी आणि कर्मचाऱ्यांवर गुन्हा दाखल करावा, अशी मागणी महिलेच्या नातेवाईकांनी केली आहे. दरम्यान, मागील महिन्यात देखील स्त्री जिल्हा रुग्णालयात महिलेचा मृत्यू झाल्याची घटना घडली होती. यामुळे पुन्हा एकदा रुग्णालयाचा गलथन कारभार समोर आला आहे. सविता अनिल ढेंबरे असे मृत महिलेचं नाव आहे.
परभणी शहरातील शंकर नगर भागात राहणाऱ्या सविता अनिल ढेंबरे यांना प्रसूतीसाठी २९ ऑक्टोबरला स्त्री रुग्णालयामध्ये दाखल करण्यात आले होते. ३१ ऑक्टोबर रोजी दुपारी १ वाजण्याच्या सुमारास त्यांची प्रसूती सिझेरिअनने झाली. सविता यांनी एका मुलाला जन्म दिला यावेळी सविता आणि जन्मलेल्या मुलाची प्रकृती स्थिर होती. मध्यरात्री दीड वाजण्याच्या सुमारास स्त्री रुग्णालयात उपचार घेत असलेल्या सविता यांची प्रकृती गंभीर झाली. यावेळी सविता यांचे भाऊ रुग्णालयामध्ये दाखल झाले असता सविताला ऑक्सिजन लावल्याचं दिसून आलं. तर पहाटे दोन वाजता सविता यांना जिल्हा रुग्णालयाच्या अपघात विभागामध्ये हलवण्यात आले.
हेही वाचा -चार दिवसांपासून महिला दिसली नाही, दुर्गंधी येऊ लागली; शेजाऱ्यांनी पोलिसांनी बोलावलं अन्...
यावेळी उपस्थित असलेल्या वैद्यकीय अधिकाऱ्यांनी त्यांच्या अंगामध्ये रक्त कमी असल्याचं सांगून त्यांना रक्त चढवलं. मात्र, सविताची प्रकृती खालावली असल्याने तिला पुढील उपचारासाठी नांदेड येथील शासकीय वैद्यकीय महाविद्यालयात घेऊन जाण्याचा सल्ला वैद्यकीय अधिकाऱ्यांनी दिला आणि रेफर लेटर नातेवाईकांना दिले. यावेळी नातेवाईकांना खाजगी रुग्णालय घेऊन जा असे तोंडी सांगण्यात आले.
मात्र, नातेवाईकांनी सविताला परभणी शहरातील एका खाजगी रुग्णालयात नेलं. मात्र, रुग्णालयात नेण्यापूर्वीच तिचा मृत्यू झाला असल्याचं यावेळी या ठिकाणी उपस्थित असलेल्या डॉक्टरांनी सांगितले. त्यामुळे नातेवाईकांनी सविताला पुन्हा जिल्हा रुग्णालयात नेले या ठिकाणी वैद्यकीय अधिकाऱ्यांनी सविताला तपासून मृत घोषित करण्यात आलं.
हेही वाचा -परभणीत धक्कादायक घटना! तुझा हरवलेला मुलगा बाहेर उभा आहे, तू लवकर आमच्या सोबत चल; महिलेचे केले अपहरण
मध्यरात्री कर्तव्यावर असलेल्या अधिकारी आणि त्यांच्या सोबतच्या कर्मचाऱ्यांच्या हलगर्जीपणामुळे सविताचा मृत्यू झाला असल्याचा आरोप नातेवाईकांनी केला आहे. संबंधितावर योग्य ती कारवाई करावी, अशी लेखी मागणी देखील त्यांनी केली आहे.
परभणी शहरातील शंकर नगर भागात राहणाऱ्या सविता अनिल ढेंबरे यांना प्रसूतीसाठी २९ ऑक्टोबरला स्त्री रुग्णालयामध्ये दाखल करण्यात आले होते. ३१ ऑक्टोबर रोजी दुपारी १ वाजण्याच्या सुमारास त्यांची प्रसूती सिझेरिअनने झाली. सविता यांनी एका मुलाला जन्म दिला यावेळी सविता आणि जन्मलेल्या मुलाची प्रकृती स्थिर होती. मध्यरात्री दीड वाजण्याच्या सुमारास स्त्री रुग्णालयात उपचार घेत असलेल्या सविता यांची प्रकृती गंभीर झाली. यावेळी सविता यांचे भाऊ रुग्णालयामध्ये दाखल झाले असता सविताला ऑक्सिजन लावल्याचं दिसून आलं. तर पहाटे दोन वाजता सविता यांना जिल्हा रुग्णालयाच्या अपघात विभागामध्ये हलवण्यात आले.
हेही वाचा -चार दिवसांपासून महिला दिसली नाही, दुर्गंधी येऊ लागली; शेजाऱ्यांनी पोलिसांनी बोलावलं अन्...
यावेळी उपस्थित असलेल्या वैद्यकीय अधिकाऱ्यांनी त्यांच्या अंगामध्ये रक्त कमी असल्याचं सांगून त्यांना रक्त चढवलं. मात्र, सविताची प्रकृती खालावली असल्याने तिला पुढील उपचारासाठी नांदेड येथील शासकीय वैद्यकीय महाविद्यालयात घेऊन जाण्याचा सल्ला वैद्यकीय अधिकाऱ्यांनी दिला आणि रेफर लेटर नातेवाईकांना दिले. यावेळी नातेवाईकांना खाजगी रुग्णालय घेऊन जा असे तोंडी सांगण्यात आले.
मात्र, नातेवाईकांनी सविताला परभणी शहरातील एका खाजगी रुग्णालयात नेलं. मात्र, रुग्णालयात नेण्यापूर्वीच तिचा मृत्यू झाला असल्याचं यावेळी या ठिकाणी उपस्थित असलेल्या डॉक्टरांनी सांगितले. त्यामुळे नातेवाईकांनी सविताला पुन्हा जिल्हा रुग्णालयात नेले या ठिकाणी वैद्यकीय अधिकाऱ्यांनी सविताला तपासून मृत घोषित करण्यात आलं.
हेही वाचा -परभणीत धक्कादायक घटना! तुझा हरवलेला मुलगा बाहेर उभा आहे, तू लवकर आमच्या सोबत चल; महिलेचे केले अपहरण
मध्यरात्री कर्तव्यावर असलेल्या अधिकारी आणि त्यांच्या सोबतच्या कर्मचाऱ्यांच्या हलगर्जीपणामुळे सविताचा मृत्यू झाला असल्याचा आरोप नातेवाईकांनी केला आहे. संबंधितावर योग्य ती कारवाई करावी, अशी लेखी मागणी देखील त्यांनी केली आहे.