म. टा. प्रतिनिधी, पुणे
सोशालिस्ट पार्टीच्या ८४ व्या वर्धापनदिनानिमित्त '२१ व्या शतकातील समाजवाद' या विषयावर आधारित 'विवा व्हेनेझुएला' या माहितीपटाचे आयोजन करण्यात आले होते.यावेळी पार्टीचे शहराध्यक्ष संतोष म्हस्के यांनी आपल्या देशात समाजवादाकडे तरुणांचा वाढता ओघ पाहून सध्याच्या व्यवस्थेतला विरोधाभास लक्षात येत आहे, असे प्रतिपादन केले. त्याचप्रमाणे अलका जोशी यांनी व्हेनेझुएलातल्या समाजवादी लोकशाहीबद्दल मत व्यक्त केले. याप्रसंगी चंद्रकांत निवंगुणे, श्रीकृष्ण कुलकर्णी, शकुंतला भालेराव, मंगल निकम, योगेश सूर्यवंशी, रमाकांत सोनवणी आदी उपस्थित होते.
.
युनिव्हर्सल हार्मनी स्पर्धा
अखिल लोककला सांस्कृतिक संस्था व सम्राट अशोक प्राथमिक शाळा यांच्या संयुक्त विद्यमाने 'युनिव्हर्सल हार्मनी' स्पर्धेचे उद्घाटन करण्यात आले. नृत्य दिग्दर्शक राजेश कपूर, तबला वादक अनिरुद्ध देशपांडे, भरतनाट्यम् तज्ज्ञ काया चंदा व रंजिता अविनाश यांच्या हस्ते उद्घाटन पार पडले. दिलीप साबणे, मन्मथ गाढवे, शुभम गजभार, वैभव रनहेर, सागर ननावरे, अदिती ननावरे आदींनी संयोजन केले.
.
कर्मवीरांना आदरांजली
कर्मवीर भाऊराव पाटील यांच्या पुण्यतिथीनिमित्त बहुजन नायक स्मृती समितीतर्फे आदरांजली अर्पण करण्यात आली. स्वारगेट येथील त्यांच्या पुतळ्याला पुष्पहार अर्पण करून त्यांना आदरांजली वाहण्यात आली. या वेळी मोहन वाडेकर, विजय जगताप, आनंद गवळी, बाळासाहेब खबळे, तुळशीदास बोरकर, बाबा खंडागळे, सयाजी शिंदे, राजाराम गायकवाड, प्रकाश वाघमारे आदी उपस्थित होते.
.
नामांतराची मागणी
छत्रपती संभाजी महाराज यांच्या जयंतीनिमित्त सकल मराठी समाजाच्या वतीने मुंबई विद्यापीठाला संभाजी महाराजांचे नाव द्यावे, अशी मागणी करण्यात आली. या मागणीसाठी पुरंदर किल्ल्यावर सह्यांची मोहीम राबवण्यात आली. या वेळी छत्रपती घराण्याचे वंशज खासदार संभाजीराजे यांनी सरकारकडे या मागणीचा पाठपुरावा करण्याचे आश्वासन दिले. संभाजी महाराजांची ३६१वी जयंती संभाजी ब्रिगेडच्या वतीने मशाल पेटवून साजरी करण्यात आली. तसेच कैलास वडघुले यांच्या वतीने 'बुधभूषण' ग्रंथाचे वाटप करण्यात आले. याप्रसंगी संतोष शिंदे, प्रशांत धुमाळ, कैलास वडघुले, सिद्धार्थ कोंडाळकर, सौरभ भिलारे, सचिन जोशी, जयकर कदम, अजय पवार, मयूर शिरोळे, पूजा झोळे आदी उपस्थित होते.