दहा वर्षाच्या चिमुकलीची कमाल; करोना आणि डेंग्यूवर केली मात

पुणे: पिंपरी-चिंचवडमधील एका १० वर्षाच्या चिमुकलीने करोनासह डेंग्यूवर मात केली आहे. विशेष म्हणजे एकाच वेळी करोना आणि डेंग्यूवर मात करण्याची ही राज्यातील पहिलीच घटना आहे.

या १० वर्षाच्या मुलीला पिंपरी-चिंचवडमधील आदित्य बिर्ला मेमोरियल रुग्णालयात १२ ऑगस्ट रोजी दाखल करण्यात आले होते. या मुलीला प्रचंड ताप होता. तसेच तिच्या गळ्याला सूज आली होती. तिला मळमळही होत होती. तिच्या टेस्ट केल्यानंतर तिला करोना झाल्याचं स्पष्ट झालं. मात्र, तिने श्वास घेण्यास त्रास होत असल्याची तक्रार केली नव्हती. या मुलीला सेपरेशन वॉर्डात दाखल करण्यात आले होते. डॉक्टरांनी तिच्यावर उपचार सुरू केले होते आणि तिचा सिटीस्कॅनही केला होता, अशी माहिती आदित्य बिर्ला मेमोरियल रुग्णालयाने दिली आहे.

या मुलीला डेंग्यूचीही लागण झाली होती. त्यामुळे डॉक्टरांनी तिच्यावर करोना आणि डेंग्यूचा इलाज सुरू केला. मुलीच्या शरारीतील तापमान, रक्तदाब आणि तिच्या शरीरातील पाण्याची पातळी याकडे लक्ष ठेवण्यात आले. रुग्णालयात दाखल झाल्यानंतर तिसऱ्या दिवशी तिचा ताप उतरला. त्यानंतर पाचव्या दिवशी तिच्या शरीरातील प्लेटलेट्स, यकृत एन्जाइममध्ये वाढही होत असल्याचं दिसून आलं, असं डॉ. वृषाली बिछकर यांनी सांगितलं.

करोना मानवनिर्मित असल्याचे पुरावे सादर, पण...

त्यानंतर या मुलीची दुसऱ्यांदा आरटीपीसीआर टेस्ट करण्यात आली. त्यात तिला करोनाचा संसर्ग नसल्याचं आढळून आलं. रक्त चाचणीत डेंग्यूही प्राथमिक स्तरावर असल्याचं दिसून आलं. नंतर तिच्या शरीरातील डब्ल्यूबीसी आणि प्लेटलेट्सची संख्याही नॉर्मल झाली. पूर्णपण ठणठणीत बरी झाल्यानंतर या मुलीला २० ऑगस्ट रोजी रुग्णालयातून सुट्टी देण्यात आली, असं रुग्णालयाने स्पष्ट केलं. एखाद्या व्यक्तीला करोनाबरोबरच डेंग्यू होण्याची ही पहिलीच घटना असावी, असं बाल रोग विभागाचे डॉक्टर राहुल कल्लियनपूर यांनी सांगितलं.

धोका वाढला! करोनातून बरे झालेल्या रुग्णांना पुन्हा 'करोना'

'या' तीन जिल्ह्यांत २ मंत्री, २ खासदार आणि १० आमदारांना करोनाची लागण