अकरा दिवसाचं बाळ शेकोटीत पडून भाजलं

मटा ऑनलाइन वृत्त । पुणे

पुण्यातील कोंढवा परिसरात आज एक अत्यंत हृदयद्रावक घटना घडली. एका अकरा दिवसाच्या बाळाला शेक देत असताना तोल गेल्यानं हे बाळ शेकोटीत पडून ८० टक्के भाजलं. या बाळाला तात्काळ खासगी रुग्णालयात उपचारासाठी दाखल करण्यात आलं असून त्याची प्रकृती चिंताजनक असल्याचं समजतं.

थंडीचे दिवस असल्यानं या बाळाला शेक देण्यात येत होता. त्यासाठी शेकोटी पेटविण्यात आली होती. पण शेक देत असताना या बाळाचा तोल गेला आणि ते शेकोटीत पडल्याचं त्याच्या वडिलानं सांगितलं. बाळ शेकोटीत पडल्यानंतर अग्निशमन दलाला तात्काळ पाचारण करण्यात आलं. पण अग्निशमन दलाचे जवान येण्यापूर्वीच या बाळाला खाजगी रुग्णालयात उपचारासाठी दाखल करण्यात आलं. हे बाळ ८० टक्के भाजलं असून त्याची प्रकृती गंभीर असल्याचं त्याच्यावर उपचार करणाऱ्या वैद्यकीय सूत्रांनी सांगितलं.