बँक खात्यातून
१८ लाख लांबवले
म. टा. प्रतिनिधी, पुणे
बँक खात्याची गोपनीय माहिती मिळवून टेलिफोन बँकिंâगद्वारे सेवानिवृत्त व्यक्तीच्या खात्यातून १८ लाख १६ हजार ८२० रुपये काढल्याचा प्रकार समोर आला आहे. या प्रकरणी नंदा चौधरी (वय ५२, रा. मगरपट्टा) यांनी फिर्याद दिली आहे. त्यानुसार हडपसर पोलिस ठाण्यात गुन्हा दाखल झाला आहे. हा प्रकार सप्टेंबर २०१७ ते जून २०१८ या कालावधीत घडला.
पोलिसांनी दिलेल्या माहितीनुसार, चौधरी यांचे पती सेवानिवृत्त झाले आहेत. निवृत्तीनंतर त्यांना मिळालेली रक्कम त्यांच्या बँक खात्यात जमा झाली होती. अज्ञात व्यक्तीने त्यांचा बँक खाते क्रमांक आणि डेबिट कार्डची माहिती घेऊन बँकेत फोन केला. त्याद्वारे त्याने वेळोवेळी फोन करून त्यांच्या खात्यातील १८ लाख १६ हजार रुपये काढले. बँक खात्यातून पैसे काढले गेल्याचे लक्षात आल्यानंतर चौधरी यांनी पोलिसांकडे धाव घेतली. पुढील तपास गुन्हे शाखेचे निरीक्षक ए. के. बागवान करत आहेत.
---