महाराष्ट्र एक्स्प्रेसचे २ डबे घसरले

मटा ऑनलाइन वृत्त । पुणे

महाराष्ट्र एक्स्प्रेसचे दोन डबे पुणे रेल्वे स्थानकातल्या फलाट क्र. १ जवळ रुळावरून घसरले. ११ वाजून ४५ मिनिटांच्या दरम्यान ही घटना घडली. कोणीही जखमी झालेले नाही.

रेल्वे प्रशासनाने घसरलेले डबे हटवण्याचे काम सुरू केले असून दोन नवे डबे गाडीला लवकरच जोडण्यात येतील. तोपर्यंत फलाट क्र. १ कार्यरत राहणार नाही. या फलाटावरील रेल्वेसेवा सुरळीत होण्यासाठी आणखी किमान दोन तास लागणार असल्याची माहिती रेल्वे प्रशासनाने दिली आहे.