काकाच्या घरातील ३३ तोळे सोने लंपास

पिंपरीः घराची किल्ली देऊन पंढरीच्या वारीला गेलेल्या चुलत्याच्या घरात चोरी करणाऱ्या पुतण्याच्या आणि त्याच्या साथीदारांकडून पोलिसांनी ३३ तोळे वजनाचे सोन्याचे दागिने जप्त केले आहे.

किरण आनंदा यादव (वय २०), कृष्णा उमेश कारले (२०), गणेश वसंत आतनुरकर (२०) शमुशद्दीन ताजुद्दीन शेख (२०, सर्व रा. कुदळवाडी, चिखली), असे अटक करण्यात आलेल्या आरोपींची नावे आहेत. या प्रकरणी जयवंत यादव यांनी निगडी पोलिस ठाण्यात फिर्याद दिली आहे. जयवंत यादव हे पंढरपूरच्या वारीला गेले होते. वारीला जाताना त्यांनी घराच्या किल्ल्या किरणकडे दिल्या होत्या. या संधीचा फायदा घेत किरण आणि त्याच्या साथीदारांनी घर उघडून घरातील दागिने आणि रोख रक्कम चोरून नेली. यादव हे वारीवरून आल्यानंतर हा प्रकार उघड झाला.