पुणे:
भारतातील पहिली वहिली कवटी प्रत्यारोपणाची शस्त्रक्रिया पुण्यात करण्यात आली आहे. एका चार वर्षांच्या चिमुकलीच्या मेंदुची निकामी झालेली कवटी बदलून डॉक्टरांनी तिची मृत्यूच्या दाढेतून सुटका केली आहे.
४ वर्षांच्या या चिमुकलीला एका चारचाकी वाहनानं धडक दिली होती. या अपघातात तिच्या डोक्याला प्रचंड मार बसला होता. तिला रुग्णालयात नेईपर्यंत डोक्यातून भरपूर रक्त वाहून गेलं होतं. तिच्या मेंदुच्या आजुबाजूची ६० टक्के कवटी पूर्णपणे निकामी झाली होती. तिच्या कवटीतील हाडांना अनेक जखमा झाल्या होत्या. ती जगेल की नाही याचीही डॉक्टरांना शंका होती.
पण डॉक्टरांनी हार मानली नाही. चिमुकलीला वाचवण्यासाठी त्यांनी भरपूर प्रयत्न केले. सर्वप्रथम तिच्या मेंदुला धक्का पोहोचणार नाही याची पूर्णपणे काळजी घेण्यात आली. काही न्यूरोसर्जन्सनी तिच्या मेंदूजवळची जखमी हाडं अलगदपणे काढून टाकली. ही हाडं काढताना तिला कुठेही जखम होऊ दिली नाही. यामुळे मेंदूला इजा होण्याचा धोका टळला. पण डोक्यासाठी नवीन कवटी बसवणं गरजेचं होतं. त्यामुळे अमेरिकेतून खास एक कृत्रिम कवटी मागवण्यात आली. दोन ते तीन किचकट शस्त्रक्रिया करून ही कवटी तिच्या डोक्यात बसवण्यात आली. या सगळ्यात दीड वर्षाचा काळ गेला. पण आता त्या चिमुकलीचं आयुष्य पुर्ववत झालं आहे.
भारतातील पहिली वहिली कवटी प्रत्यारोपणाची शस्त्रक्रिया पुण्यात करण्यात आली आहे. एका चार वर्षांच्या चिमुकलीच्या मेंदुची निकामी झालेली कवटी बदलून डॉक्टरांनी तिची मृत्यूच्या दाढेतून सुटका केली आहे.
४ वर्षांच्या या चिमुकलीला एका चारचाकी वाहनानं धडक दिली होती. या अपघातात तिच्या डोक्याला प्रचंड मार बसला होता. तिला रुग्णालयात नेईपर्यंत डोक्यातून भरपूर रक्त वाहून गेलं होतं. तिच्या मेंदुच्या आजुबाजूची ६० टक्के कवटी पूर्णपणे निकामी झाली होती. तिच्या कवटीतील हाडांना अनेक जखमा झाल्या होत्या. ती जगेल की नाही याचीही डॉक्टरांना शंका होती.
पण डॉक्टरांनी हार मानली नाही. चिमुकलीला वाचवण्यासाठी त्यांनी भरपूर प्रयत्न केले. सर्वप्रथम तिच्या मेंदुला धक्का पोहोचणार नाही याची पूर्णपणे काळजी घेण्यात आली. काही न्यूरोसर्जन्सनी तिच्या मेंदूजवळची जखमी हाडं अलगदपणे काढून टाकली. ही हाडं काढताना तिला कुठेही जखम होऊ दिली नाही. यामुळे मेंदूला इजा होण्याचा धोका टळला. पण डोक्यासाठी नवीन कवटी बसवणं गरजेचं होतं. त्यामुळे अमेरिकेतून खास एक कृत्रिम कवटी मागवण्यात आली. दोन ते तीन किचकट शस्त्रक्रिया करून ही कवटी तिच्या डोक्यात बसवण्यात आली. या सगळ्यात दीड वर्षाचा काळ गेला. पण आता त्या चिमुकलीचं आयुष्य पुर्ववत झालं आहे.