म. टा. प्रतिनिधी, पुणे
करोना बाधितांना उपचार सेवा देणाऱ्या जनरल प्रॅक्टिशनर्स, फॅमिली डॉक्टरांना ५० लाख रुपयांच्या विम्याचे संरक्षण देण्यात यावे, तसेच त्यांना करोनाची लागण झाल्यास उपचाराचा संपूर्ण खर्च पालिकेतर्फे केला जावा, असा प्रस्ताव पालिकेच्या आरोग्य विभागातर्फे स्थायी समितीपुढे ठेवण्यात आला आहे. या प्रस्तावाला मंजुरी मिळाल्यास करोनाविरोधी लढाईत योगदान देणाऱ्या जनरल प्रॅक्टिशनर्स, फॅमिली डॉक्टरांना विमा कवच आणि उपचाराची हमी मिळणार आहे.
शहरातील करोनाबाधितांवर उपचार करणाऱ्या जनरल प्रॅक्टिशनर्सना संरक्षण म्हणून त्यांचा पन्नास लाखांचा टर्म इन्श्युरन्स (मुदत विमा) काढण्याचा महापालिकेचा विचार आहे. या विम्याचे हप्ते (प्रिमीयम) महापालिकेतर्फे भरले जाणार आहेत. त्याचबरोबर करोनाग्रस्तांना उपचार सेवा देताना जनरल प्रॅक्टिशनर्स आजारी पडल्यास त्यांच्या उपचाराचा संपूर्ण खर्च महापालिकेतर्फे केला जाणार आहे, असा प्रस्ताव स्थायी समितीपुढे ठेवण्यात येणार असल्याचे महापालिकेच्या अतिरिक्त आयुक्त रुबल अग्रवाल यांनी सांगितले.
महापालिका आयुक्त विक्रम कुमार यांनी गेल्या सोमवारी महापालिकेत डॉक्टरांच्या विविध संघटनांची बैठक घेतली. त्यामध्ये 'इंडियन मेडिकल असोसिएशन' (आयएमए), 'जनरल प्रॅक्टिशनर असोसिएशन' (जीपीए), 'असोसिएशन ऑफ फिजिशियन ऑफ इंडिया' (एपीआय) या संघटनांचा समावेश होता. या बैठकीत शहरातील जनरल प्रॅक्टिशनर, फॅमिली फिजिशियन, आयुर्वेदिक, होमिओपॅथिक डॉक्टरांना करोना संशयित किंवा सौम्य ते मध्यम स्वरूपाची लक्षणे असलेल्या करोना पॉझिटिव्ह रुग्णांवर उपचार करण्यास परवानगी देण्याचा निर्णय आयुक्तांनी घेतला. त्या वेळी सरकारी डॉक्टरांप्रमाणे जनरल प्रॅक्टिशनर्सही करोनाबाधितांवर उपचार करणार असल्याने, त्यांना ५० लाख रुपयांचे विमा कवच आणि करोनाची बाधा झाल्यास उपचारांचा खर्च महापालिकेने पुरवावा, सरकारी डॉक्टरांप्रमाणेच पीपीई किट, मास्क, ग्लोव्ह्ज आदी सुरक्षा साधने पुरविण्यात यावी, अशी मागणी डॉक्टर संघटनांच्या प्रतिनिधींनी केली होती. त्याला महापालिकेने सकारात्मक प्रतिसाद दिला आहे. त्यामुळे अधिकाधिक डॉक्टर करोनाबाधितांवर उपचार करण्यासाठी पुढाकार घेतील, आणि पर्यायाने पालिकेच्या आरोग्य यंत्रणेवरील ताण कमी होईल, असा विश्वास व्यक्त केला जात आहे.
स्वाइन फ्लूची साथ असतानाही शहरातील जनरल प्रॅक्टिशनर्स रुग्णसेवेत कार्यरत होते. आताही अनेक जनरल प्रॅक्टिशनर्स योग्य ती खबरदारी घेऊन करोना संशयितांना किंवा घरी विलगीकरणात असलेल्या सौम्य ते मध्यम तीव्रतेच्या करोनाबाधितांना उपचार सेवा देत आहेत. त्यामुळे महापालिकेच्या आरोग्य यंत्रणेवरील ताण हलका होत आहे. त्यामुळे आम्हा करोना योद्ध्यांनाही विमा कवच आणि सुरक्षिततेची साधने पुरविण्याची मागणी महापालिका आयुक्तांसोबत झालेल्या बैठकीत केली होती.
- डॉ. आरती निमकर, आयएमए, पुणे शाखेच्या अध्यक्षा
करोना बाधितांना उपचार सेवा देणाऱ्या जनरल प्रॅक्टिशनर्स, फॅमिली डॉक्टरांना ५० लाख रुपयांच्या विम्याचे संरक्षण देण्यात यावे, तसेच त्यांना करोनाची लागण झाल्यास उपचाराचा संपूर्ण खर्च पालिकेतर्फे केला जावा, असा प्रस्ताव पालिकेच्या आरोग्य विभागातर्फे स्थायी समितीपुढे ठेवण्यात आला आहे. या प्रस्तावाला मंजुरी मिळाल्यास करोनाविरोधी लढाईत योगदान देणाऱ्या जनरल प्रॅक्टिशनर्स, फॅमिली डॉक्टरांना विमा कवच आणि उपचाराची हमी मिळणार आहे.
शहरातील करोनाबाधितांवर उपचार करणाऱ्या जनरल प्रॅक्टिशनर्सना संरक्षण म्हणून त्यांचा पन्नास लाखांचा टर्म इन्श्युरन्स (मुदत विमा) काढण्याचा महापालिकेचा विचार आहे. या विम्याचे हप्ते (प्रिमीयम) महापालिकेतर्फे भरले जाणार आहेत. त्याचबरोबर करोनाग्रस्तांना उपचार सेवा देताना जनरल प्रॅक्टिशनर्स आजारी पडल्यास त्यांच्या उपचाराचा संपूर्ण खर्च महापालिकेतर्फे केला जाणार आहे, असा प्रस्ताव स्थायी समितीपुढे ठेवण्यात येणार असल्याचे महापालिकेच्या अतिरिक्त आयुक्त रुबल अग्रवाल यांनी सांगितले.
महापालिका आयुक्त विक्रम कुमार यांनी गेल्या सोमवारी महापालिकेत डॉक्टरांच्या विविध संघटनांची बैठक घेतली. त्यामध्ये 'इंडियन मेडिकल असोसिएशन' (आयएमए), 'जनरल प्रॅक्टिशनर असोसिएशन' (जीपीए), 'असोसिएशन ऑफ फिजिशियन ऑफ इंडिया' (एपीआय) या संघटनांचा समावेश होता. या बैठकीत शहरातील जनरल प्रॅक्टिशनर, फॅमिली फिजिशियन, आयुर्वेदिक, होमिओपॅथिक डॉक्टरांना करोना संशयित किंवा सौम्य ते मध्यम स्वरूपाची लक्षणे असलेल्या करोना पॉझिटिव्ह रुग्णांवर उपचार करण्यास परवानगी देण्याचा निर्णय आयुक्तांनी घेतला. त्या वेळी सरकारी डॉक्टरांप्रमाणे जनरल प्रॅक्टिशनर्सही करोनाबाधितांवर उपचार करणार असल्याने, त्यांना ५० लाख रुपयांचे विमा कवच आणि करोनाची बाधा झाल्यास उपचारांचा खर्च महापालिकेने पुरवावा, सरकारी डॉक्टरांप्रमाणेच पीपीई किट, मास्क, ग्लोव्ह्ज आदी सुरक्षा साधने पुरविण्यात यावी, अशी मागणी डॉक्टर संघटनांच्या प्रतिनिधींनी केली होती. त्याला महापालिकेने सकारात्मक प्रतिसाद दिला आहे. त्यामुळे अधिकाधिक डॉक्टर करोनाबाधितांवर उपचार करण्यासाठी पुढाकार घेतील, आणि पर्यायाने पालिकेच्या आरोग्य यंत्रणेवरील ताण कमी होईल, असा विश्वास व्यक्त केला जात आहे.
स्वाइन फ्लूची साथ असतानाही शहरातील जनरल प्रॅक्टिशनर्स रुग्णसेवेत कार्यरत होते. आताही अनेक जनरल प्रॅक्टिशनर्स योग्य ती खबरदारी घेऊन करोना संशयितांना किंवा घरी विलगीकरणात असलेल्या सौम्य ते मध्यम तीव्रतेच्या करोनाबाधितांना उपचार सेवा देत आहेत. त्यामुळे महापालिकेच्या आरोग्य यंत्रणेवरील ताण हलका होत आहे. त्यामुळे आम्हा करोना योद्ध्यांनाही विमा कवच आणि सुरक्षिततेची साधने पुरविण्याची मागणी महापालिका आयुक्तांसोबत झालेल्या बैठकीत केली होती.
- डॉ. आरती निमकर, आयएमए, पुणे शाखेच्या अध्यक्षा