पुण्यात महिलेचा करोनानं मृत्यू; दिवसभरात ३ बळी

पुणे: पुण्यात एका ६५ वर्षीय महिलेचा करोनाच्या संसर्गामुळं मृत्यू झाला. आज, गुरुवारी दिवसभरात तीन जणांचा बळी गेला आहे. त्यामुळं पुणे आणि परिसरातील मृतांची एकूण संख्या २१ झाली आहे.

करोनाच्या संसर्गामुळं मृत्यू झालेल्या या महिलेला मोठ्या आतड्यांचा आजार झाला होता. अनेक वर्षांपासून ती एका खासगी रुग्णालयात उपचार घेत होती. ३१ मार्च रोजी या महिलेला ताप आणि उलटी झाल्यानं रुग्णालयात दाखल करण्यात आले होते. मात्र, तिची प्रकृती अधिकच खालावत गेल्यानं व्हेंटिलेटरवर ठेवण्यात आले होते. आज दुपारी तिचा मृत्यू झाला. तिला करोनाचा संसर्ग झाल्याचं स्पष्ट झालं आहे.

राज्यात मुंबईत करोनाच्या संसर्गानं झालेल्या मृत्यूची संख्या सर्वाधिक आहे. त्यापाठोपाठ पुण्यात करोनाचे सर्वाधिक बळी आहेत. त्यामुळे पुणेकरांची चिंता वाढली आहे.

करोनावर बेनेट विद्यापीठाची जागतिक परिषद

करोना: २४ तासांत ५४९ नवीन रुग्ण, १७ मृत्यू

पुणेकरांच्या मदतीला धावून आला 'हा' अभिनेता