खंडणी न दिल्यानं चिमुरड्याचं अपहरण करून हत्या; पडक्या इमारतीवर आढळला मृतदेह; पिंपरीत खळबळ

पिंपरी: मासुळकर कॉलनीतील सोसायटीच्या पार्किंगमध्ये खेळत असलेल्या सात वर्षे वयाच्या मुलाचे अपहरण करून खून झाल्याची घटना पिंपरी परिसरातून समोर आली आहे. एका बांधकाम व्यावसायिकाचा हा मुलगा असून शुक्रवारी रात्री उशिरा ही घटना उघडकीस आली आहे. शुक्रवारी त्याचा मृतदेह एका पडक्या इमारतीच्या टेरेसवर आढळून आल्याने एकच खळबळ उडाली आहे.

आदित्य गजानन ओगले (वय ७) असे खून झालेल्या मुलाचे नाव आहे. असून या घटनेने कुटुंबीयांना मोठा धक्का बसला आहे. याप्रकरणी त्याचे वडील गजानन श्रीकांत ओगले (४९, रा. मासुळकर कॉलनी, पिंपरी) यांनी ८ सप्टेंबर रोजी पिंपरी पोलीस ठाण्यात याबाबत तक्रार दिली होती. दिलेल्या तक्रारी वरून पोलिसांनी पोलिसांनी दोन संशयितांना ताब्यात घेतले आहे.
कोणीच मदत करणार नाही! आईचा मृतदेह व्हिलचेअरवर ठेवून ६० वर्षांच्या लेकानं गाठलं स्मशान
गुरुवारी सायंकाळी आदित्य हा बाहेर खेळायला जातो असे सांगून घराबाहेर पडला होता. त्यानंतर बराच वेळ झाला तरी तो घरी न परतल्याने असे वडिलांनी त्याचा शोध सुरू केला. तो न सापडल्याने वडिलांनी पिंपरी पोलिसांत तक्रार दाखल केली. पोलिसांनी तपासाची सूत्रे हलवत तक्रारीनुसार दोन संशियताना ताब्यात घेतले. या प्रकरणाचा पोलीस कसून तपास करत आहेत.
विसर्जनाला गालबोट; मुलगा डीजे लावलेल्या वाहनाखाली आला; जिवाच्या आकांतानं आक्रोश; पण...
बांधकाम व्यावसायिकाकडे २० कोटींची खंडणी मागितली होती. ती न दिल्यानेच मुलाचा अपहरण करून खून करण्यात आल्याची माहिती पोलिसांकडून देण्यात आली आहे. पैशांसाठी आदित्यचा खून करण्यात आला आहे. संशयित आणि बांधकाम व्यावसायिक एकाच सोसायटीत रहात असल्याची माहिती समोर येत आहे. ताब्यात घेण्यात आलेल्या आरोपीची चौकशी सुरू आहे.