म. टा. प्रतिनिधी, पुणे
मुंबईत विविध ठिकाणी ऑर्थोपेडिक (हाडाचे) इम्प्लांटचा विना परवाना विक्री होत असल्याचे उघडकीस आल्यानंतर पुण्यासह सातारा, कोल्हापूर, सोलापूर जिल्ह्यातही अन्न व औषध प्रशासनाने कारवाई केली. पुण्यासह अन्य जिल्हयांतून सुमारे ९३ लाख रुपयांचा इम्प्लांटचा साठा जप्त करण्यात आला आहे.
राज्यात बेकायदा पद्धतीने जादा किमतीने इम्प्लांट विकले जात होते. त्या संदर्भात अन्न व औषध प्रशासनाला विविध ठिकाणी अशा पद्धतीने विक्री होत असल्याची माहिती मिळाली होती. त्या माहितीच्या आधारे संपूर्ण राज्यात अशा प्रकारची शोध मोहीम घेण्यात येत आहे. त्या अनुषंगाने पुणे विभागात अशी कारवाई करण्यात आली.
‘शहरात तीन दिवसांत ‘ऑर्थोपेडिक इम्प्लांट’ची शोधमोहीम करण्यात आली. बहुतांश हॉस्पिटलमध्ये चौकशी करण्यात आली. परवानाधारक विक्रेत्यांकडून इम्प्लांट विकले जात होते. काही बेकायदा पद्धतीने विक्री सुरू होती. कोथरूड, खराडी, बालाजीनगर या भागातून सुमारे ६३ लाख १० हजार २७० रुपयांचा इम्प्लांटचा साठा जप्त करण्याची कारवाई करण्यात आली. त्यात सर्वाधिक ५८ लाख ५५ हजार रुपयांचा साठा खराडी येथे आढळला. पुणे विभागात सातारा, कोल्हापूर आणि सोलापूर येथून एकूण ९२ लाख ८४ हजार २४ रुपयांचा साठा जप्त करण्याची कारवाई एफडीएने केली,’ अशी माहिती एफडीएचे सहआयुक्त व्ही. व्ही. जावडेकर यांनी ‘मटा’ला दिली.
कोथरूडमध्ये एका विक्रेत्यांकडे औषध निरीक्षक डी. एम. दरंदळे यांनी चौकशी केली असता विनापरवाना इम्प्लांटचा साठा आढळला. त्यांच्याकडून ३ लाख ७ हजार ८७० रुपयांचा साठा जप्त केला. त्याशिवाय खराडीत औषध निरीक्षक एस. व्ही. प्रतापवार यांनी कारवाई केली. बालाजीनगर येथे औषध निरीक्षक श्रीमती जे. पी. सवदपी यांनी केलेल्या कारवाईतून १ लाख ४७ हजार ४०० रुपयांचा साठा जप्त केला. साताऱ्यात औषध निरीक्षक व्ही. व्ही. नांगरे, श्रीमती एस. बी. दातीर यांच्या कारवाईमध्ये ९१ हजार ४४ रुपयांची इम्प्लांट जप्त करण्यात आले.
ऑर्थोपेडिक इम्प्लांट म्हणजे काय?
ऑर्थोपेडिक इम्प्लांट म्हणजे अपघात झाल्यानंतर हाडे जोडण्यासाठी वापरण्यात येणारे साहित्य. त्यात स्टेनलेस स्टीलचे रॉड, स्क्रू, प्लेट यांच्यासोबत हाडाच्या विविध आकारानुसार त्याची निर्मिती केली जाते.
मुंबईत विविध ठिकाणी ऑर्थोपेडिक (हाडाचे) इम्प्लांटचा विना परवाना विक्री होत असल्याचे उघडकीस आल्यानंतर पुण्यासह सातारा, कोल्हापूर, सोलापूर जिल्ह्यातही अन्न व औषध प्रशासनाने कारवाई केली. पुण्यासह अन्य जिल्हयांतून सुमारे ९३ लाख रुपयांचा इम्प्लांटचा साठा जप्त करण्यात आला आहे.
राज्यात बेकायदा पद्धतीने जादा किमतीने इम्प्लांट विकले जात होते. त्या संदर्भात अन्न व औषध प्रशासनाला विविध ठिकाणी अशा पद्धतीने विक्री होत असल्याची माहिती मिळाली होती. त्या माहितीच्या आधारे संपूर्ण राज्यात अशा प्रकारची शोध मोहीम घेण्यात येत आहे. त्या अनुषंगाने पुणे विभागात अशी कारवाई करण्यात आली.
‘शहरात तीन दिवसांत ‘ऑर्थोपेडिक इम्प्लांट’ची शोधमोहीम करण्यात आली. बहुतांश हॉस्पिटलमध्ये चौकशी करण्यात आली. परवानाधारक विक्रेत्यांकडून इम्प्लांट विकले जात होते. काही बेकायदा पद्धतीने विक्री सुरू होती. कोथरूड, खराडी, बालाजीनगर या भागातून सुमारे ६३ लाख १० हजार २७० रुपयांचा इम्प्लांटचा साठा जप्त करण्याची कारवाई करण्यात आली. त्यात सर्वाधिक ५८ लाख ५५ हजार रुपयांचा साठा खराडी येथे आढळला. पुणे विभागात सातारा, कोल्हापूर आणि सोलापूर येथून एकूण ९२ लाख ८४ हजार २४ रुपयांचा साठा जप्त करण्याची कारवाई एफडीएने केली,’ अशी माहिती एफडीएचे सहआयुक्त व्ही. व्ही. जावडेकर यांनी ‘मटा’ला दिली.
कोथरूडमध्ये एका विक्रेत्यांकडे औषध निरीक्षक डी. एम. दरंदळे यांनी चौकशी केली असता विनापरवाना इम्प्लांटचा साठा आढळला. त्यांच्याकडून ३ लाख ७ हजार ८७० रुपयांचा साठा जप्त केला. त्याशिवाय खराडीत औषध निरीक्षक एस. व्ही. प्रतापवार यांनी कारवाई केली. बालाजीनगर येथे औषध निरीक्षक श्रीमती जे. पी. सवदपी यांनी केलेल्या कारवाईतून १ लाख ४७ हजार ४०० रुपयांचा साठा जप्त केला. साताऱ्यात औषध निरीक्षक व्ही. व्ही. नांगरे, श्रीमती एस. बी. दातीर यांच्या कारवाईमध्ये ९१ हजार ४४ रुपयांची इम्प्लांट जप्त करण्यात आले.
ऑर्थोपेडिक इम्प्लांट म्हणजे काय?
ऑर्थोपेडिक इम्प्लांट म्हणजे अपघात झाल्यानंतर हाडे जोडण्यासाठी वापरण्यात येणारे साहित्य. त्यात स्टेनलेस स्टीलचे रॉड, स्क्रू, प्लेट यांच्यासोबत हाडाच्या विविध आकारानुसार त्याची निर्मिती केली जाते.