स्पर्धा परीक्षेच्या ताणामुळे तरुणीची आत्महत्या

पिंपरी चिंचवड: पिंपरी चिंचवडमध्ये अभ्यासाच्या ताणामुळे आणखी एका तरुणीने आत्महत्या केली आहे. प्रीती जाधव असे तिचे नाव असून, ती स्पर्धा परीक्षेचा अभ्यास करत होती. प्रीती मूळची बीड जिल्ह्यातील रहिवासी आहे.

स्पर्धा परीक्षेचा अभ्यास करता यावा या उद्देशाने प्रीती गेल्या दोन वर्षांपासून चिंचवडमधील साई पूजा लेडीज हॉस्टेलमध्ये राहत होती. आत्महत्या करण्यापूर्वी तिने लिहिलेल्या चिठ्ठीनुसार, प्रीतीवर स्पर्धा परीक्षांच्या अभ्यासाचा मोठा ताण होता. ती सतत तणावात असायची. इतर चार मुलीही तिच्या सोबत राहायच्या. मात्र, आज सकाळी त्या चौघीही कामावर गेल्यानंतर तिने गळफास घेत आत्महत्या केली.