मुंबई : पोलिस दलाला करोनाचा विळखा अधिकच घट्ट बसत चालला असून मुंबईतील आणखी एकाचा करोनाने मृत्यू झाला आहे. वाहतूक शाखेत नेमणुकीला असलेले पोलिस कॉन्स्टेबल जयंत खंडाईत (५७) यांचे सोमवारी पहाटे उपचारादरम्यान निधन झाले. राज्यातील मृत पोलिसांची संख्या १९ वर पोहोचली असून १८०९ पोलिसांना करोनाची लागण झाली आहे. दरम्यान, मालेगाव येथून बंदोबस्ताचे काम आटोपून परतलेल्या ५३ वर्षांच्या पोलिस कर्मचाऱ्याचा करोनासदृष्य आजाराने सोमवारी मृत्यू झाला. कर्मचाऱ्यास सर्व लक्षणे करोनाची असून, त्यांचे यापूर्वीचा स्वॅब अहवाल निगेटीव्ह आला आहे. आणखी एक स्वॅब अहवाल सोमवारी रात्री उशिरा मिळण्याची शक्यता प्रशासनने वर्तावली.
मुंबईत एका पोलिसाचा मृत्यू
पोलिस दलाला करोनाचा विळखा अधिकच घट्ट बसत चालला असून मुंबईतील आणखी एकाचा करोनाने मृत्यू झाला आहे...
महाराष्ट्र टाइम्स.कॉम 26 May 2020, 4:00 am