ठेकेदाराला मारहाण करून २४ लंपास
म. टा. प्रतिनिधी, पुणे
कुख्यात गुन्हेगार चॉकलेट सुन्याच्या साथीदारांकडून एका बांधकाम ठेकेदाराला लुटल्याचा प्रकार समोर आला आहे. खूनप्रकरणात सध्या चॉकलेट सुन्या अटकेत आहे.
बसवराज कन्ने (वय ३०, रा. इंदिरानगर, गुलटकेडी) यांनी स्वारगेट पोलिस ठाण्यात फिर्याद दिली आहे. कन्ने हे बांधकाम ठेकेदार असून, दुचाकीवरून घरी जात असताना दुचाकीवर आलेल्या तीन चोरट्यांनी त्यांना अडवले आणि कोयत्याचा धाक दाखवून त्यांना लाथा-बुक्क्यांनी मारहाण करून लुटले. हा प्रकार १३ जुलै रोजी सनी ट्रॅव्हल्सजवळ (स्वारगेट) रात्री आठच्या सुमारास घडली आहे.
पोलिसांनी दिलेल्या माहितीनुसार, कन्ने हे काम संपवून घरी जात होते. त्या वेळी तिघांनी त्यांना अडवून मारहाण केली. त्यांच्या पाकिटातील २४ हजार ५०० जबरदस्तीने कढून घेतले. कन्ने यांनी सोमवारी स्वारगेट पोलिस ठाण्यात फिर्याद दिली आहे.
चॉकलेट सुन्या सध्या दत्तवाडी येथील नीलेश वाडकर याच्या खून प्रकरणात अटकेत आहे. सुन्याच्या टोळीतील सदस्य नितीन मिटकरी आणि त्याच्या साथीदारांनी ही लुटमार केल्याचे पोलिसांचे म्हणणे असून, गुन्हे शाखा युनिट ३ चे फौजदार संजय गायकवाड या प्रकरणी पुढील तपास करीत आहेत.
म. टा. प्रतिनिधी, पुणे
कुख्यात गुन्हेगार चॉकलेट सुन्याच्या साथीदारांकडून एका बांधकाम ठेकेदाराला लुटल्याचा प्रकार समोर आला आहे. खूनप्रकरणात सध्या चॉकलेट सुन्या अटकेत आहे.
बसवराज कन्ने (वय ३०, रा. इंदिरानगर, गुलटकेडी) यांनी स्वारगेट पोलिस ठाण्यात फिर्याद दिली आहे. कन्ने हे बांधकाम ठेकेदार असून, दुचाकीवरून घरी जात असताना दुचाकीवर आलेल्या तीन चोरट्यांनी त्यांना अडवले आणि कोयत्याचा धाक दाखवून त्यांना लाथा-बुक्क्यांनी मारहाण करून लुटले. हा प्रकार १३ जुलै रोजी सनी ट्रॅव्हल्सजवळ (स्वारगेट) रात्री आठच्या सुमारास घडली आहे.
पोलिसांनी दिलेल्या माहितीनुसार, कन्ने हे काम संपवून घरी जात होते. त्या वेळी तिघांनी त्यांना अडवून मारहाण केली. त्यांच्या पाकिटातील २४ हजार ५०० जबरदस्तीने कढून घेतले. कन्ने यांनी सोमवारी स्वारगेट पोलिस ठाण्यात फिर्याद दिली आहे.
चॉकलेट सुन्या सध्या दत्तवाडी येथील नीलेश वाडकर याच्या खून प्रकरणात अटकेत आहे. सुन्याच्या टोळीतील सदस्य नितीन मिटकरी आणि त्याच्या साथीदारांनी ही लुटमार केल्याचे पोलिसांचे म्हणणे असून, गुन्हे शाखा युनिट ३ चे फौजदार संजय गायकवाड या प्रकरणी पुढील तपास करीत आहेत.