धावत्या रिक्षात तरुणीचा विनयभंग, चालकाने तिच्या मोबाईलमध्ये स्वत:चा नंबर केला सेव्ह, तरुणीने मारली उडी

पुणे : पुण्यात दिवसेंदिवस महिलांची छेडछाड आणि विनयभंगाचे प्रमाण वाढत चालल्याचे दिसत आहे. दरम्यान, सावित्रीबाई फुले पुणे विद्यापीठ परिसरात मूळच्या पश्चिम बंगाल येथील एका तरुणीचा रिक्षा चालकानेच विनयभंग केल्याची घटना गुरुवारी (दिनांक १६ मार्च) पुणे विद्यापीठात घडला आहे.

मूळची पश्चिम बंगालची १८ वर्षीय तरुणी शिक्षणासाठी पुण्यात वास्तव्यास आहे. ती कोथरूड एमआयटी कॉलेजपासून पुणे विद्यापीठाकडे सचिन नावाच्या अनोळखी रिक्षा चालकाच्या रिक्षामधून जात होती. या प्रवासादरम्यान या रिक्षा चालकांनेच या तरुणीचा विनयभंग केल्याची घटना घडली. झालेला प्रकार तरुणीने चतुशृंगी पोलिसांना सांगितल्यानंतर आरोपी रिक्षा चालकावर चतुशृंगी पोलीस ठाण्यात गुन्हाही नोंदवण्यात आला आहे.

डेटिंग अ‍ॅपवरून प्रेम जुळले, नंतर लग्नासाठी दबाव टाकला, मग प्रियकराने एअर होस्टेसला संपवले
रिक्षा चालकाने तरुणीला स्पर्श करण्याचा प्रयत्न केला

या घटनेबाबत पोलिसांनी दिलेली माहिती अशी की, ही तरुणी मूळची पश्चिम बंगाल येथे राहणारी आहे. तरुणी आरोपी सचिन नावाच्या अनोळखी रिक्षा चालकाच्या रिक्षामधून कोथरूड येथील एमआयटी कॉलेजपासून सावित्रीबाई फुले पुणे विद्यापीठाकडे जात होती. दरम्यान, या रिक्षा चालकाने रिक्षा पुणे विद्यापीठामध्ये थांबवत तिचा हात पकडला आणि जवळीक साधत तिच्या अंगाला स्पर्श करण्याचा प्रयत्न केला.

नोकरीच्या त्रासाला कंटाळला, अकाउंटंटने गिळले ५६ ब्लेड, रक्ताच्या उलट्या; रुग्णालयात डॉक्टरही हैराण
दरम्यान, या तरुणीने रिक्षा चालकाला विरोध करत रिक्षामधून बाहेर उडी मारली. मात्र, तरी देखील त्याने जबरदस्तीने तिचा मोबाईल घेऊन त्याचा स्वतःचा नंबर तिच्या मोबाईलमध्ये सेव्ह करून दिला. या प्रकरणी चतुशृंगी पोलीस पुढील तपास करत आहेत.