खड्ड्यांच्या विरोधात कामशेतमध्ये युवक काँग्रेसचे आंदोलन
म. टा. प्रतिनिधी, लोणावळा
सार्वजनिक बांधकाम विभागाच्या गलथान कारभारामुळे मावळातील सर्वच रस्त्यांवर पडलेल्या खड्डयांमुळे मावळवासीय बेजार झाले असून, त्यांचे कंबरडे मोडले आहे. या खड्ड्यांना विरोध करण्यासाठी मावळातील कामशेत येथील युवक काँग्रेसने अनोखे ‘लग्न आंदोलन’ करण्याचे ठरवले आहे. या आंदोलनात खड्ड्यांना जबाबदार असलेल्या सार्वजनिक बांधकाम विभागाचे आणि खड्डयांचे लग्न लावण्यात येणार आहे. त्यानुसार उद्या, (गुरुवार, २४ ऑगस्ट) सकाळी अकरा वाजता कामशेत येथे हा सोहळा पार पडणार आहे.
या सोहळ्याची पत्रिकाही छापण्यात आली आहे. या पत्रिकेत महाराष्ट्र राज्य सरकारचे कनिष्ठ चिरंजीव वडगाव मावळचे बांधकाम विभाग खाते वर आहे, तर मावळातील सर्व रस्त्यांची कनिष्ठ कन्या खड्डेताई वधू आहेत.
पत्रिकेच्या सुरुवातीलाच आयोजकांनी खड्ड्याचे व वडगाव मावळच्या बांधकाम विभागाचे नाते सविस्तर सांगितले आहे. युवक काँग्रेसतर्फे या पत्रिकेत म्हटले आहे, की ‘हा प्रेमविवाह आहे. यामध्ये रस्ते तयार झाले नाही तोपर्यंत तेथे खड्डे तयार होतात. बांधकाम विभाग व खड्डेताई एक क्षणसुद्धा एकमेंकाशिवाय राहू शकत नाही. त्यामुळे त्यांच्यातील हे प्रेम पाहता हा विवाह लावून देण्यात येणार आहे.’ हा विवाहसोहळा कामशेत येथील शिवाजी चौकाच्या मध्यभागी गुरुवारी अकरा वाजता होणार आहे. ही जागा म्हणजे वधुवरांचे निवासस्थान असल्याचा उल्लेख पत्रिकेत करण्यात आला आहे.
....
बांधकाम ठेकेदार ‘मध्यस्थ’
या विवाहाचे मध्यस्थ बांधकाम विभागाचे सर्व ठेकेदार मंडळी आहेत. ‘नुसतीच लुडबुड’ या शीर्षकाखाली खडी, वाळू, सिमेंट, मुरूम असे छोटे निमंत्रक असणार आहेत.
प्रमुख निमंत्रक म्हणून मावळ तालुक्यातील काँग्रेस, मनसे, शिवसेना, राष्ट्रवादीचे सर्व पदाधिकारी असणार आहेत. त्यामुळे परिसरातील सर्व नागरिकांनी या आगळ्यावेगळ्या सोहळ्याला उपस्थित राहावे आणि लग्नाची शोभा वाढवावी व वधुवरास पुढील संसारासाठी आशीर्वाद द्यावेत, असे निमंत्रण निमंत्रकांनी दिले आहे.
म. टा. प्रतिनिधी, लोणावळा
सार्वजनिक बांधकाम विभागाच्या गलथान कारभारामुळे मावळातील सर्वच रस्त्यांवर पडलेल्या खड्डयांमुळे मावळवासीय बेजार झाले असून, त्यांचे कंबरडे मोडले आहे. या खड्ड्यांना विरोध करण्यासाठी मावळातील कामशेत येथील युवक काँग्रेसने अनोखे ‘लग्न आंदोलन’ करण्याचे ठरवले आहे. या आंदोलनात खड्ड्यांना जबाबदार असलेल्या सार्वजनिक बांधकाम विभागाचे आणि खड्डयांचे लग्न लावण्यात येणार आहे. त्यानुसार उद्या, (गुरुवार, २४ ऑगस्ट) सकाळी अकरा वाजता कामशेत येथे हा सोहळा पार पडणार आहे.
या सोहळ्याची पत्रिकाही छापण्यात आली आहे. या पत्रिकेत महाराष्ट्र राज्य सरकारचे कनिष्ठ चिरंजीव वडगाव मावळचे बांधकाम विभाग खाते वर आहे, तर मावळातील सर्व रस्त्यांची कनिष्ठ कन्या खड्डेताई वधू आहेत.
पत्रिकेच्या सुरुवातीलाच आयोजकांनी खड्ड्याचे व वडगाव मावळच्या बांधकाम विभागाचे नाते सविस्तर सांगितले आहे. युवक काँग्रेसतर्फे या पत्रिकेत म्हटले आहे, की ‘हा प्रेमविवाह आहे. यामध्ये रस्ते तयार झाले नाही तोपर्यंत तेथे खड्डे तयार होतात. बांधकाम विभाग व खड्डेताई एक क्षणसुद्धा एकमेंकाशिवाय राहू शकत नाही. त्यामुळे त्यांच्यातील हे प्रेम पाहता हा विवाह लावून देण्यात येणार आहे.’ हा विवाहसोहळा कामशेत येथील शिवाजी चौकाच्या मध्यभागी गुरुवारी अकरा वाजता होणार आहे. ही जागा म्हणजे वधुवरांचे निवासस्थान असल्याचा उल्लेख पत्रिकेत करण्यात आला आहे.
....
बांधकाम ठेकेदार ‘मध्यस्थ’
या विवाहाचे मध्यस्थ बांधकाम विभागाचे सर्व ठेकेदार मंडळी आहेत. ‘नुसतीच लुडबुड’ या शीर्षकाखाली खडी, वाळू, सिमेंट, मुरूम असे छोटे निमंत्रक असणार आहेत.
प्रमुख निमंत्रक म्हणून मावळ तालुक्यातील काँग्रेस, मनसे, शिवसेना, राष्ट्रवादीचे सर्व पदाधिकारी असणार आहेत. त्यामुळे परिसरातील सर्व नागरिकांनी या आगळ्यावेगळ्या सोहळ्याला उपस्थित राहावे आणि लग्नाची शोभा वाढवावी व वधुवरास पुढील संसारासाठी आशीर्वाद द्यावेत, असे निमंत्रण निमंत्रकांनी दिले आहे.